Álem boıynsha koronavırýsqa qarsy vaksınalanǵandar sany 7 mıllıardtan asty. Olardyń jartysynan kóbi úsh elde: Qytaıda (2,3 mlrd), Úndistanda (1,1 mlrd) jáne AQSH-ta (0,4 mlrd) salyndy, dep habarlaıdy almaty-akshamy.kz QazAqparatqa silteme jasap.
Qazirgi ýaqytta adamdarǵa COVID-19-ǵa qarsy vaksınalardyń 7,001 mlrd dozasy salynǵan. Bútin ǵalamarda vaksınasıanyń tolyq kýrsynan qansha adam ótkenin anyqtaý áli de múmkin emes. Óıtkeni kóptegen el tek kovıd vaksınalarynyń sertıfıkattalǵan dozalarynyń sany men jasalǵan ekpelerdiń sany týraly ǵana habarlaıdy.
BAÁ men Maltada turǵyndardyń 90% astamy ekpe saldyrǵan. Portýgalıa, Kýba, Chılı, Islandıa, Kambodja, Katar, Ispanıa, Sıngapýr, Brýneı jáne Ońtústik Koreıa sıaqty memleketterde halyqtyń 80% astamy keminde bir komponentpen egilgen.
Reseıde, koronavırýspen kúres jónindegi federaldy jedel shtabtyń málimetteri boıynsha, 50,9 mıllıonnan astam adam koronavırýsqa qarsy vaksınasıanyń tolyq kýrsynan ótken, al alǵashqy komponentpen 56,8 mıllıon adam egilgen.