COVID-19 juqtyrǵandar sany 212 mıllıon 669 myńnan asty.
Álemde KVI-ǵa qarsy vaksınalardyń 4 mıllıard 970 mıllıonnan astam dozasy qoldanyldy, dep habarlaıdy Almaty-akshamy.kz COVID-19 taralýyna jol bermeý jónindegi VAK-ǵa silteme jasap.
Vaksına dozalarynyń eń kóp sany Qytaıda qoldanyldy -1 mlrd 950 mln doza. Odan keıingi orynda: Úndistan - 580 mıllıon 770 myń, AQSH - 362 mıllıon 660 myń, Brazılıa - 176 mıllıon 620 myń doza. Álemde COVID-19 juqtyrǵandar sany 212 mıllıon 669 myńnan asty, qaýipti vırýstyń saldarynan 4 mıllıon 445 myńnan astam adam qaıtys boldy.
Mysyr
Mysyrda Sinovac Qytaı vaksınasynyń 15 mıllıon dozasy shyǵaryldy.
«Sinovac-Vaxera vaksınasynyń 15 mln. dozasynyń jergilikti óndirisi aıaqtaldy, olar qazirdiń ózinde vaksınasıa ortalyqtaryna jiberildi», — dep habarlady Arab Respýblıkasynyń Densaýlyq saqtaý jáne halyq mınıstri Hala Zaıd Kaırde ótken baspasóz máslıhatynda.
Onyń aıtýynsha, Egıpet jyl sońyna qaraı ishki naryqtyń, sondaı-aq Afrıkanyń qajettiligi úshin shamamen 80 mln. doza kólemine qol jetkizý maqsatynda aı saıyn osy vaksınanyń 15-ten 18,5 mln. dozasyna deıin óndiretin bolady. 24 tamyzdan bastap barlyq azamattar osy vaksınamen tegin egiledi.
Soltústik Afrıka
Afrıkanyń soltústiginde koronavırýs juqtyrý qarqyny tómendemeı otyr. Marokkoda ótken táýlikte 2 996 adam SARS-CoV-2 juqtyrǵany anyqtaldy, 97 naýqas qaıtys boldy. Jalpy alǵanda, elde COVID-19 ınfeksıasynyń rastalǵan jaǵdaılarynyń sany 813 945-ke jetti. Marokkoda pandemıa bastalǵannan beri koronavırýstyń asqynýynan 11 889 adam qaıtys boldy. Elde vaksınasıa ortasha qarqynmen ótýde - 33,8 mln turǵynnyń 13,1 mln-nan astamy vaksınalandy.
Argentına
Argentınanyń 12 mıllıonǵa jýyq turǵyny koronavırýstyq vaksınasıanyń tolyq kýrsynan ótti. Eresek azamattardyń 80% - dan astamy vaksınanyń birinshi komponentimen egilgen, bul - 27,2 mıllıon adam. Argentınada pandemıa kezinde 5 124 963 adam koronavırýs juqtyrdy, 110 070 adam qaıtys boldy. Eldegi COVID-19 pasıentteriniń sany 218 845 adam, bul álemdegi barlyq naýqastardyń 2,42% quraıdy.