Qazaqstanda orys tiliniń qoldanylýyna kedergi keltirýge bolmaıdy
Qazaqstandaǵy «Vozrojdenıe» atty nemister qaýymdastyǵynyń jetekshisi Aleksandr Dederer Memleket basshysy Qasym-Jomart Toqaevtyń 2021 jylǵy Qazaqstan halqyna jasaǵan Joldaýynan alǵan áserimen bólisti, dep habarlaıdy Almaty-akshamy.kz.
Aleksandr Dedererdyń pikirinshe, Qazaqstan Prezıdenti Qasym-Jomart Toqaev halyqqa jasaǵan Joldaýynda kóptegen máselelerdi kóterip, obektıvti baǵasyn berdi. Bul aıtylǵan meselelerge qoǵamdy sıfrlandyrý, ınflásıamen kúres, eń tómengi jalaqy deńgeıin kóterý sıaqty máseleler jatady. Sonymen qatar Qazaqstandaǵy nemister qaýymdastyǵynyń jetekshisine kóp ultty saıasatqa baılanysty aıtylǵan oılar unaǵan.
«Bizdiń eldegi ultaralyq beıbitshilik pen kelisimdi saqtap qalý úshin jasalatyn nıet qýantady. Sonymen qatar Prezıdent bizdiń qazaqstandyq ult ekenimizge mán berdi. Ózara tildesý barysynda halyqqa orys tiliniń qoldanylýyna kedergi keltirýge bolmaıdy. Azamattyq qoǵam usynystaryn qoldaý qajet. Osy arqyly qoǵam mádenıeti damyp, bul óz kezeginde modernızasıaǵa alyp keledi. Bul modernızasıaǵa Qazaqstan halqy Assambleıasy da ushyraıdy. Bul durys, sebebi bári ózgerip turýy qajet», – dedi Aleksandr Dederer.