A.Býblık juptyq synda da sátti óner kórsetýde
Qazaqstannyń birinshi, álemniń 44-raketkasy Aleksandr Býblık Mets (Fransıa) ATP 250 týrnırin jeńispen bastady, dep habarlaıdy Almaty-akshamy.kz QazAqparatqa silteme jasap.
Qazaqstandyq tenısshi bastapqy kezdesýin dúnıejúzilik reıtıńte 208-orynda turǵan, negizgi jarysqa irikteý saıystarynan keıin qosylǵan fransıalyq Evan Fernespen ótkizdi.
Birinshi partıada fransıalyq sportshy 7:5 esebimen basym tústi.
Ekinshisinde A.Býblık ese qaıyrdy - 6:4.
Úshinshi, sheshýshi sette qazaqstandyq tenısshi taı-breıkte jeńisti julyp aldy - 7:6 (7:5).
Eki saǵat jarymnan astam ýaqytqa sozylǵan machta A.Býblık 14 eıs jasap, 10 breık-poınttyń teń jartysyn paıdalana bildi.
Aleksandr Býblık ekinshi aınalymda álemniń 51-raketkasy, fınlándıalyq Emıl Rýýsývýorımen sheberlik baıqasady.
A.Býblık juptyq synda da sátti óner kórsetýde. Ol ıtalıalyq Lorenso Mýzettımen birge nıderlandylyq Robın Hase - aýstrıalyq Fılıpp Osvaldty 7:6 (8:6), 6:3 esebimen utyp, shırek fınalǵa shyqty.
Qazaqstandyq-ıtalıalyq jartylaı fınalǵa shyǵý dodanyń 3-raketkalary, fransıalyqtar Nıkolá Maıý - Edýar Roje-Vasslenmen talasady.
Eske sala keteıik, budan buryn Elena Rybakınanyń Tokıo týrnırinde jeńilip qalǵanyn jazǵan bolatynbyz.
Sondaı-aq «Astana Open» týrnırinde «Úlken dýlyǵa» jarysynyń bes chempıony óner kórsetedi.