Elimizdiń basym bóligine keń aýqymdy sıklon áser etedi.
«Qazgıdromet» RMK 2-4 shildege aýa raıy boljamyn usyndy, dep habarlaıdy Almaty-akshamy.kz
Aldaǵy kúnderi Qazaqstan aýmaǵynyń basym bóligine keń aýqymdy sıklon áser etedi, sonymen baılanysty jańbyr jaýady, naızaǵaı, burshaq jáne qatty jel kútiledi. Elimizdiń soltústiginde, ońtústik-shyǵysynda, shyǵysynda jáne ortalyǵynda qatty jańbyr kútiledi. Tek respýblıkanyń batysy men ońtústiginde aýa-raıy negizinen jaýyn-shashynsyz bolady dep kútilýde.
Qazaqstannyń basym bóliginde aýa temperatýrasy kúndiz soltústik-batysta +28+35°S deıin, soltústikte +20+28°S deıin, ortalyqta +22+33°S deıin, ońtústik-shyǵysta +27+36°S deıin, ońtústikte +33+38°S deıin birtindep joǵarylaýy kútilýde. Elimizdiń batysynda +35+42°S deıin qatty ystyq kútiledi.