Respýblıkanyń basym bóliginde jaýyn-shashyn bolady.
«Qazgıdromet» mamandary aldaǵy kúnderi aýa raıy qandaı bolatynyn boljady, dep habarlaıdy Almaty-akshamy.kz.
«Respýblıkanyń basym bóligindegi aýa raıyna soltústik-batys antısıklony áser etedi. Sonymen birge jaýyn-shashynnyń qysqa merzimge toqtaýy jáne temperatýranyń tómendeýi kútiledi. Kezeńniń sońynda frontaldy aǵyndardyń ótýimen birge respýblıkanyń basym bóliginde jaýyn-shashyn bolady, soltústikte qar, al ońtústik pen batysta jańbyr men qar jaýady», - delingen habarlamada.
Respýblıka boıynsha jeldiń 15-23 m/s deıin kúsheıýi, kóktaıǵaq, tuman bolsa, soltústik, shyǵys, ortalyqta burqasyn kútiledi. Túnde soltústikte, shyǵysta, ortalyqta aýanyń temperatýrasy 8-22 gradýsqa deıin tómendeıdi.