Almaty oblysynda qylmystyq top ustaldy.
Oblys aýmaǵynda birneshe aı boıy túrli urlyq túrlerimen aınalysqan kúdiktiler Qarasaı aýdanynda jedel izdestirý is-sharalaryn júrgizý kezinde ustaldy, dep habarlaıdy Almaty-akshamy.kz Polisia.kz-ke silteme jasap.
Fıgýranttardyń qylmystyq áreketteri arnaıy jáne jedel is-sharalardyń nátıjelerimen rastaldy. Toptyń quramynda 32, 27, 20 jáne 17 jastaǵy tórt er adam bolǵan. Qazir olardyń 20-dan astam urlyq faktisine qatysy bar ekeni anyqtaldy. Ustalǵandar ýaqytsha ustaý ızolátoryna qamaqqa alyndy.
Atalǵan fakti boıynsha Qarasaı aýdanynyń PB tergeýshilerine tapsyrylǵan sotqa deıingi tergeý bastaldy. Qazirgi ýaqytta urlanǵan múlikti ótkizý núktelerin belgileý boıynsha tekserý sharalary júrgizilýde. Qylmystyq is boıynsha tergeý barysyn vedomstvo basshylyǵy baqylaýǵa aldy.