Ótken jyly qalada 12 myńnan astam orynǵa arnalǵan zamanaýı úlgidegi 8 memlekettik mektep salý úshin aýqymdy jobasy bastaldy.
Qala basshysy qazirgi ýaqytta jalpy Almaty mektepterindegi oryn tapshylyǵy 19 600-dan asatynyn aıtty, dep habarlaıdy Almaty-akshamy.kz.
«Ótken jyly qalada 12 myńnan astam orynǵa arnalǵan zamanaýı úlgidegi 8 memlekettik mektep salý úshin aýqymdy jobany bastadyq, onyń ishinde 7800 oryndyq 5 mektep Alataý aýdanynda ashylatyn bolady. Alaıda, aldyn ala esepteýimiz boıynsha, jańa 7800 oqýshy ornynyń paıdalanýǵa berilgenine qaramastan, jalpy, qala, ár aýdan boıynsha bilim alýshylardyń jyl saıyn ósýine baılanysty aýdan mektepterinde 3 myńǵa jýyq oryn tapshylyǵy saqtalady», - dedi megapolıs ákimi.
Qurylystan basqa, budan ári ǵımarattar men jer ýchaskelerin jeke menshik ıelerinen satyp alýmen qatar basqa da tetikter qoldanylatyn bolady. Qazir yqtımal nusqalar qaralyp jatyr.