Alaıaq jalǵa beriletin turǵyn úıdi satyp alýǵa “kómektesemin” degen jeleýmen almatylyq turǵyndardy 16 mln teńgeden astam somaǵa aldap ketken.
Taǵy bir áıel alaıaqtyq jasaǵany úshin sottaldy, dep habarlaıdy Almaty-akshamy.kz Polisia.kz-ke silteme jasap.
«Bir nusqa boıynsha, 42 jastaǵy J. esimdi áıel arzandatylǵan baǵamen jalǵa beriletin turǵyn úı satyp alý boıynsha óz qyzmetterin usynǵan. Qazirgi kezeńde qylmystyq is boıynsha barlyǵy 7 jábirlenýshi bar. Aldyn ala tólem somasy “qyzmetine” baılanysty ózgerip otyrǵan. Keltirilgen shyǵynnyń jalpy somasy 16 mln teńgeden asady», – dedi Alataý aýdandyq polısıa basqarmasynyń bastyǵy Talǵat Berkinbaev.
Qazir tergeýshiler materıaldyń tolyqtyǵyn qamtamasyz etip, shyndyqty anyqtaýǵa baǵyttalǵan betpe-bet kezdestirý jáne basqa da prosesýaldyq áreketterdi júrgizip jatyr. Sotqa deıingi tergeý kezeńinde ustalǵan azamatshaǵa qatysty qamaýǵa alý túrindegi bultartpaý sharasy tańdaldy. Polısıa qyzmetkerleri, kúdiktiniń zańsyz áreketinen zardap shekken azamattardy myna telefon nómirleri arqyly habarlasýdy suraıdy: 227-55-02; 8-702-448-63-37. Qylmystyq istiń basqa da málimetteri QR QPK-niń-201 baby jáne QR Konstıtýsıasynyń normalaryna sáıkes jarıa etýge jatpaıdy.