Resmı aqparatqa sáıkes, alaıaqtar qazirgi tańda Qazaqstan Ulttyq bankiniń atyn jamylyp, azamattardy túrli ádispen qarjylyq aldaýǵa tyrysýda, dep habarlaıdy aqshamnews.kz.
Olar jalǵan hattar men jasandy vıdeolar arqyly jurtty sendirip, aqsha jymqyrý áreketterin kúsheıtken.
Alaıaqtyqtyń alǵashqy túri – jalǵan qujat
Alaıaqtar:
-
Ulttyq bank ókiliniń qoly men móri qoıylǵan jalǵan hattardy jasap,
-
«Atyńyzǵa nesıe shoty ashylǵan», «tólenbeı jatqan kredıt bar» degen jeleýmen,
-
Azamattarǵa hat joldap, dúrliktirip otyr.
Bul — halyqty úrkitý arqyly jeke derekter men qarjy alý maqsatyndaǵy alaıaqtyq áreket.
Ekinshi ádis – jasandy ıntellekt arqyly feık vıdeo jasaý
Tehnologıany da óz paıdasyna asyrǵysy kelgen alaıaqtar:
-
Jasandy ıntellekt kómegimen Ulttyq bank qyzmetkerleriniń beınesin qoldan jasap, feık vıdeolar ázirlegen.
-
Bul vıdeolarda olar ózderin bank ókili retinde kórsetip, jurtty jalǵan ınvestısıalyq kompanıalarǵa shaqyryp, keıde «zańgerlik kómek usynamyz» dep te sendiredi.
Nazar aýdaryńyz! Ulttyq bank eshqashan:
- Jeke tulǵalarǵa hat joldamaıdy
- Jeke tulǵalarǵa qońyraý shalmaıdy
- Jeke tulǵalarǵa qyzmet kórsetpeıdi
- Jeke tulǵalarǵa kredıt bermeıdi, depozıt ashpaıdy
- Jeke tulǵalardyń kredıt tarıhyn baqylamaıdy
- Azamattardy ınvestısıalyq kompanıalarǵa shaqyrmaıdy
- Urlanǵan aqshany qaıtarýǵa zańger usynbaıdy
Eger osyndaı alaıaqtardyń arbaýyna túsip qalsańyz:
-
Ýaqyt joǵaltpaı, quqyq qorǵaý organdaryna júginińiz
-
Nemese Ulttyq banktiń Baılanys ortalyǵyna habarlasyńyz — 1477
Taǵy bir keń taraǵan alaıaqtyq túri:
Internette mynadaı mazmundaǵy habarlamalar taralýda:
«Eger “Sýstavpro” tapsyrysy ótelmese, sot arqyly shyǵyndar óndiriledi. Bank kredıtinen bas tartylýy nemese shetelge shyǵýǵa tyıym salynýy múmkin. Sálemdemeńiz poshtada, ishinde 30 000 tg sertıfıkat bar...»
Bul — jalǵan aqparat. Kredıt, aıyppul, sot arqyly qorqytý — ańǵal azamattardy qarjy tuzaǵyna túsirý ádisi.
Eń jıi zardap shegetinder — zeınetkerler
Jaqynda Semeı qalasynda zeınetker áıel ózin «polıseımin» degen alaıaqqa senip, 10 mln teńge aýdarmaq bolǵan. Abyroı bolǵanda, kelini aralasyp, bul áreketti toqtatqan.
Osyndaı jaǵdaılar el ishinde jıi kezdesedi.
Ne isteý kerek?
-
Úlkenderge, ata-ájelerimizge bul taqyrypty túsindirip otyrý qajet
-
Dastarhan basynda, kúndelikti áńgimede alaıaqtyq túrleri týraly eskertip júrińizder
-
Jastar jaǵy — úıdegilerdi saqtandyryp otyrýǵa mindetti
Qarjylyq qaýipsizdik – barshamyzdyń ortaq jaýapkershiligimiz.
Bul aqparatty jaqyndaryńyzben bólisińiz. Alaıaqtarǵa aldanǵan bir adamnyń zeınetaqysy, ómir boıǵy jıǵan aqshasy, tipti baspanasy da ketip qalýy múmkin.