Alaıaqtar qazaqstandyqtardy jańa tásilmen quryqqa túsirip, aldaýda.
Endi olar elektrondy pochtaǵa aıyppul salynǵany týraly jalǵan qujat habarlamalar jiberip júr, dep habarlaıdy aqshamnews.kz.
Derekterge súıensek, jiberilgen habarlamalarda sottyń móri, sýdıanyń aty-jóni, sot otyrystyń kúni men ýaqyty kórsetilgen. Onda "komýnaldyq qaryzdan" bastap "tyıym salynǵan kontentti taratty" degen zań buzýshylyq jasady dep aıyptaıdy.
Bir-eki kúnnen keıin alaıaqtar qońyraý shalyp, "prokýratýra qyzmetkeriniń" nemese "tergeýshiniń" daýysymen sóılep, eger kúnniń sońyna deıin aıyppul tólemeseńiz, polısıanyń keletinin aıtady. Neǵurlym senimdi bolý úshin alaıaqtar sizdiń meken-jaıyńyzdy nemese JSN-di ataı alady.
Sizden termınal arqyly nemese "resmı shotqa" aqsha aýdarý suralady (bul shyn máninde alaıaqtardyń kartasy).
Kóbie adamdar sotpen bas qatyryp júrmes úshin alaıaqtarǵa aqsha jiberip aldanyp jatady. Olardyń ózi de naqty derekter kórsetip, senimge kiredi.
Quryqqa túspes úshin eger sondaı hat kelse, resmı telefon nómirleri arqyly organdarǵa habarlasyńyz. Dúrbeleńge túspeı, sot isteri qońyraý men kartalarǵa aqsha aýdarýmen sheshilmeıtinin umytpańyz. Qońyraýlarǵa senbeńiz. Quqyq qorǵaý organdarynyń naǵyz qyzmetkerleri sizge mundaı talaptarmen qońyraý shalmaıdy.
Shottardy tekserińiz. Kez-kelgen “resmı shotty" bank arqyly tekserýge bolady.