Tanymal aktrısa, «Meniń súıkimdi kútýshim» telehıkaıasynyń juldyzy Anastasıa Zavorotnúk ómirden ótti, dep habarlaıdy almaty-akshamy.kz
Aktrısanyń qaıtys bolǵany týraly aqparat onyń resmı akkaýntynda jarıalandy.
« Bul jaǵdaıdy qabyldaý jáne mundaıda birdeńe aıtý qıyn. Bizdiń Nastá uzaqqa sozylǵan aýyr dertten keıin búgin túnde ómirden ótti. Shyn júrekten jaqsylyq tilep, oǵan densaýlyq surap, sengen árbirińizge alǵys aıtamyz. Nastá árqashan sizderdiń qoldaýlaryńyzdy sezindi jáne joǵary baǵalady.
Biz búgin keshke onymen qoshtasý orny men ýaqyty týraly habarlaımyz», - delingen habarlamada.
Anastasıa Zavorotnúk qaterli isiktiń eń agressıvti túrleriniń biri – glıoblastomany uzaq ýaqyt boıy emdeý kezinde dúnıeden ozdy.