«Kókjıek» yqshamaýdanynda múmkindigi shekteýli jandar Joldaýdy talqylady
Almatyda el Prezıdentiniń Joldaýyn talqylaýǵa arnalǵan túsindirý jumystary jalǵasyp jatyr.
Jalpy, syndarly qoǵamdyq dıalog – Qazaqstannyń turaqtylyǵy men órkendeýiniń negizi. Sondyqtan elimizdiń bolashaǵyn aıqyndaıtyn qujatty talqylaý barlyǵymyz úshin mańyzdy. Jetisý aýdany, «Kókjıek» yqshamaýdanynda ornalasqan №21 qalalyq emhanada múmkindigi shekteýli adamdarmen Joldaýdy talqylaý ótti. Kezdesý barysynda Memleket basshysynyń keń aýqymdy máseleler boıynsha naqty tapsyrmalar bergeni týraly jan-jaqty aıtyldy. Ásirese, halyqtyń turmys jaǵdaıy, densaýlyq saqtaý jáne halyqqa áleýmettik kómek kórsetýdiń túrleri týraly tereńirek aqparattar qamtyldy. Sóz sóılegender Memleket basshysynyń Joldaýy elimizdiń damýy úshin aıqyn baǵyt, basty baǵdar bolatynyn atap ótti.
– Bizdiń elimiz qazir qaıtadan qurylýda. Biz basqa deńgeıge jetýge talpynys ústindemiz. Elimizde referendým ótti. Kóptegen ózgerister bolyp jatyr. Buryn depýtattar halyqpen kezdesýge jylyna bir ret keletin edi. Shyny kerek, halyq tipti kóptegen depýtattardy kórmedi. Degenmen, qazir bári ózgerip jatyr. Biz sizderdiń qoıyp jatqan barlyq saýaldaryńyzdy tıisti oryndarǵa jetkizemiz, – dedi Jetisý aýdany Amanat partıasy fılıaly tóraǵasynyń orynbasary Erlan Davov.
Kezdesý barysynda kóptegen suraqtar qoıylyp, jan-jaqty áńgime óris aldy.