Pedagog mártebesin kóterý boıynsha jumys jalǵasyn tabady.
«Qymbatty áriptester, sizderdi kásibı merekeńiz – Muǵalimder kúnimen shyn júrekten quttyqtaımyn. Muǵalim mamandaǵy álemdegi eń qurmetti, eń asyl mamandyqtyń biri. Sizder balalardy bilim nárimen sýsyndatyp, olarǵa tálim-tárbıe berý arqyly elimizdiń damýyna baǵa jetpes úles qosyp kele jatyrsyzdar. Óıtkeni muǵalim balalardy bilim álemine jetelep, keıingi býyn ókilderin tárbıeleıdi», dedi BǴM basshysy.
Mınıstr atap ótkendeı, pandemıa muǵalim jumysynyń mańyzdylyǵyn aıqyndap berdi.
«Ata-analar balalardy oqytý qanshalyqty qıyn ekenin túsinip, muǵalimniń oqýshy ómirinde mańyzdy oryn alatynyna taǵy bir márte kóz jetkizdi. El Prezıdentiniń qoldaýymen muǵalimderdiń jalaqysy artyp, jańa qosymsha aqylar men sanattar paıda boldy. Muǵalimderdi ózine tán emes fýnksıalardan jáne qaǵazbastylyqtan aryltý úshin júıeli ári naqty sharalar qabyldadyq. Pedagog mártebesin kóterý boıynsha jumys jalǵasyn tabady», dep atap ótti ol quttyqtaýynda.
Aımaǵambetov bıyl el Táýelsizdigine 30 jyl ekenin de toqtaldy.
«Osy ýaqyt aralyǵynda elimizde aıtarlyqtaı ózgerister boldy. Bilim berý júıesi de ózgerdi. Bilimimizdi shyńdap, jańa daǵdylardy ıgerdik. Bul jetistikterge qol jetkizýde áriptesterimizdiń, muǵalimderdiń eńbegi men kásibıliginiń úlesi orasan», dep aıtty ol.
Osy oraıda bas ustaz áriptesterine myqty densaýlyq, sarqylmas kúsh-qýat, tabys tiledi.
«Qajyrly eńbekterińiz, shydamdylyqtaryńyz jáne balalarǵa degen súıispenshilikterińiz úshin alǵys aıtamyn. Mereke qutty bolsyn!» dep Asqat Aımaǵambetov muǵalimderdi ataýly kúnmen quttyqtady.