Oqıǵa Almaty oblysynyń Úshtóbe qalasynda bolǵan
Almaty oblysynyń turǵyny otbasylyq janjaldan keıin áıelinen keshirim suraý úshin dúkennen gúl shoǵyn urlap alǵan, dep habarlady Almaty-akshamy.kz Almaty oblystyq polısıa departamentiniń baspasóz qyzmetine silteme jasap.
Departament keltirgen málimetke súıensek, 25 qarashada Qaratal aýdany Úshtóbe qalasynan shaǵym tústi. Satýshy qońyraý shalyp, gúl dúkeninen gúl shoǵy urlanǵanyn aıtqan. Áıel uryny este saqtap qalǵan. Shaqyrtý boıynsha kelgen polıseılerge ony sıpattap bergen.
Kóp uzamaı kúdikti ustaldy. Ol Úshtóbeniń 32 jastaǵy turǵyny bolyp shyqty. Er adam aqshasy jetpegendikten, jarynan keshirim suraý úshin osyndaı qadamǵa barǵanyn moıyndady.
«Ol áıeline golandıalyq raýshan gúlderdi syılap, onymen tatýlasyp, kinásin jýyp-shaımaq bolǵan», - dep málimdedi Almaty oblysy polısıa departamentiniń baspasóz qyzmeti.