Bıyl áıelderdiń zeınetke shyǵý jasy 60 jas bolǵan
Kelesi jyldyń qańtarynan bastap, áıelderdiń zeınetke shyǵý jasy 60 jas 6 aı bolyp belgilendi, dep habarlady Almaty-akshamy.kz Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
Eske salsaq bıyl áıelderdiń zeınetke shyǵý jasy 60 jas bolǵan edi.
1961 jyldyń ekinshi jartysynda dúnıege kelgen qazaqstandyq áıelder zeınetaqy tólemderin taǵaıyndaýǵa 2021 jyldyń sońyna deıin ótinish berýge tıis. Jyl sońyna deıin ótinish berip úlgermegen jaǵdaıda jarty jyl kútip, 2022 jyldyń shildesinen keıin ǵana zeınetke shyǵa alady.
2013 jyly qabyldanǵan «Qazaqstanda zeınetaqymen qamsyzdandyrý týraly» zańynyń 11 babyna sáıkes, áıelderdiń zeınetkerlik jasy 2027 jylǵa deıin jyl saıyn 6 aıǵa uzartylyp otyrady.
Eńbek mınıstrligi ótinish berilgen kúnnen bastap 10 jumys kúni ishinde qaralatynyn eskertti.
2022 jyly:
– memlekettik bazalyq zeınetaqy tóleminiń eń tómengi mólsheri – 19 450 teńge;
– eń tómengi zeınetaqy – 46 302 teńge bolmaq.