Mádenıet jáne aqparat mınıstri Aıda Balaeva qazaqstandyqtardy halyqaralyq otbasy kúni merekesimen quttyqtady, dep habarlaıdy Almaty-akshamy.kz.
"Qurmetti dostar, halyqaralyq otbasy kúnin atap ótýde. BUU bas assambleıasy osydan 31 jyl buryn otbasynyń qoǵamdaǵy róli men mańyzyn arttyrý úshin bul merekeni belgilegen bolatyn. Árıne, adam ómiri otbasydan bastalady. Onda onyń balalyq shaǵy, tulǵa bolyp qalyptasý joly ótedi. Sondyqtan otbasy mahabbat pen qurmettiń, yntymaqtyń uıasy bolyp qala bereri anyq. Al adam onsyz ómir súre almaıdy. Qzaqstan halqy úshin otbasynyń orny erekshe. Otbasy ómirdiń negizgi qundylyqtarynyń, mádenıetiniń, saqtaýshysy,-dedi mınıstr.
Mınıstr Qazaqstan qazirgi kezde otbasyn qorǵaıtyn zańnamalyq baza qalyptasqan jetekshi elderdiń biri ekenin atap ótti. Byltyr 1 shildede kúshine engen Áleýmettik kodeks áleýmettik qoldaý máselelerin retteıtin mańyzdy qujat bolyp sanalady. Endi áleýmettik qoldaý járdemaqy tóleý ǵana emes, azamattardyń ómirlik qıyndyqqa ushyraýynyń aldyn alýǵa baǵyttalǵan áleýmettik kodekstiń bir jańashyldyǵy otbasylyq sıfrlyq kartasy. Búginde ol otbasylyq portret dep atalady. Onda Qazaqstannyń 20 mln azamaty nemese 6 mln-nan astam otbasy týraly aqparat jınaqtalǵan. Sondaı-aq Áleýmettik kodekste balalardy qoldaý týraly qosymsha sharalary, atap aıtsaq, bala kútimi boıynsha tólem merzimin bir jarym jasqa deıin uzartý kózdelgen. Eńbek zańnamasy jumys isteıtin analar men ákelderdiń quqyǵy men mindetterin retteıdi. Onda júkti áıelder men balaly áıelderdi jumysqa qabyldaǵanda kepildikter berý jáne jumystan shyǵarýǵa tyıym salý, 3 jasqa deıingi balalary bar analarǵa jalaqysy saqtalmaıtyn qosymsha demalys berý qarastyrylǵan..
Qurmetti dostar, munyń bári bolashaq úshin damyǵan ári órkenıetti Qazaqstanda ómir súrýge tıis jáne ómir súretin balalarymyz ben nemerelerimiz úshin jasalyp otar. Búgingi halyqaralyq otbasy kúni biz taǵy da otbasy qundylyǵynyń erekshe mańyzyna, onyń jaqsartýdaǵy róline nazar aýdaramyz. Sizderdi osy ataýly datamen shyn júrekten quttyqtaı otyryp, barshańyzǵa myqty densaýlyq, baqyt pen amandyq tileımin, - dedi Aıda Balaeva.