Ózin-ózi aqtaý merzimi: AES jobalary shamamen 20 jylda ózin-ózi aqtaıdy, odan ári ony 60 jylǵa deıin paıdalanýǵa bolady, tipti bul merzimdi 100 jylǵa deıin ulǵaıtý múmkindigi bar.
Atom elektr stansıalarynyń uzaq merzimdi paıdalaný merzimi jobanyń turaqtylyǵyn jáne qarjylyq tıimdiligin arttyrady, sebebi qosymsha ınvestısıasyz uzaq jyldar boıy turaqty elektr energıasyn óndirý múmkindigi týyndaıdy.
Ózindik quny jáne tarıfter: AES-terde elektr energıasyn óndirý kóptegen ózge stansalarǵa qaraǵanda arzanyraq bolady. Bul kómir jáne gaz sekildi energıa kózderine qaraǵanda tómen operasıalyq shyǵyndarmen erekshelenedi.
Sondaı-aq, otyn retinde ýrannyń tıimdiligi joǵary jáne onyń quny salystyrmaly túrde turaqty bolyp qalady, bul AES-tiń uzaq merzimdi turaqty tarıfterin qamtamasyz etedi.
Nátıjesinde, AES-ter elektr energıasynyń ózindik qunyn tómendetýge jáne tutynýshylarǵa arzan tarıfter usynýǵa múmkindik beredi.