Aýa tazartatyn balondy kún astynda qaldyrmaǵan jón – jarylyp ketýi múmkin
Árbir úıde aýany tazartqysh spreı bar bolar. Burynyraqta ony tek dárethanada qoldanatyn. Al qazir kireberis, qonaq úı jáne jatyn bólmede aýa tazartqysh avtomatty dozatorlar jıi qoıylady. Iisteri jaǵymdy, degemen, densaýlyqqa zıany da barshylyq. Ol jaıynda reseılik Ren-tv arnasynyń «Eń paıdaly baǵdarlamasynda» aıtyldy, dep habarlaıdy Almaty-akshamy.kz tilshisi.
Órt jáne aýanyń jetispeýshiligi
Aýany tazartqysh qural órtke sebep bolýy múmkin. Keıbir aerozoldarda propan men býtannyń kóptigi sonshalyq, eger ystyq jerde tursa, ońaı jarylyp ketýi múmkin.
Reseıdiń MIREA ýnıversıtetiniń hımıa ǵylymdarynyń kandıdaty Andreı Dorohov aýa tazartqyshtyń quramyndaǵy propan-býtan qospasy 30 prosentten aspaǵan jaǵdaıda ǵana onyń qaýipsiz bolatynyn eskertedi.
«Eger balonnyń jartysyn jabyq keńistikte syǵyp alsańyz, qospa aýa shyǵara bastaıdy. Jabyq bólmede uzaq ýaqyt tursa, ottegi tapshylyǵy paıda bolýy múmkin», - dep eskertedi maman.
Qaýipti belgileri
Propan-býtan qospasy – jalǵyz qaýip emes. Qazirgi aýa tazartqyshtarynyń quramynda formageldegıd, natrıı nıtrıti, etanol, ftalat, aseton jáne benzol bar.Bul komponetterdiń barlyǵy ýly bolyp sanalady. Olardan bórtpe, jótel ustaýy múmkin.
«Reaksıasy ár túrli bolady. Bastyń aýyrýy, júrek aınýda turǵan asa qaýipti eshteńe joqtaı kórinedi. Biraq keıinirek adam esinen tanýy múmkin», - dep bólisti sanıtarlyq ınstrýktor Alekseı Menshıkov.
Ýlylyǵyna tekserý
Sapaly aýa tazartqysh qaýipsiz bolýy kerek, jaqsy sebiledi jáne jaǵymsyz ıisterdi ketiredi.
«Kishigirim dozalarda bul zat qaýipsiz, biraq ruqsat etilgen konsentrasıadan asqan kezde aýyr ýytty áser paıda bolady. Joǵary konsentrasıalarda ólimge ákelýi múmkin », - deıdi Andreı Dorohov.
Mamandar júrgizgen zertteýler boıynsha shyqqan tujyrym asa qymbat spreılerdi alýdyń qajeti joq ekenin kórsetti. Arzan aýa tazartqyshtar da jaǵymsyz ıisterdi joıýda esh kemshiligi joq. Bastysy, olardyń quramyna nazar aýdaryp, ınstrýksıasy boıynsha qoldaný kerek. Eń durysy, tabıǵı komponentter negizinde jasalǵan aromatızatorlardy, mysaly, shópterden turatyn sasheler nemese ıis shyǵaratyn aroma shamdardy paıdalanǵan abzalyraq.