Aldaǵy ýaqytta kez kelgen joǵary oqý oryny zaman talabyna sáıkes myqshegedeı ornyn nyqtaǵysy kelse, bilim berý júıesin jasandy ıntellektpen baılanystyrý kerek. Bul qazirgi ýaqyt kóshine ilesýdiń birden-bir joly. Osy maqsatta Abaı atyndaǵy Qazaq ulttyq pedagogıkalyq ýnıversıtetinde jasandy ıntellektke negizdelgen jańa Smartaýdıtorıasy ashyldy. Bul – bilim berý júıesin sıfrlandyrýǵa, stýdentterdiń shyǵarmashylyq qabiletterin arttyrýǵa jáne ǵylymı izdenisterdi jańa deńgeıge kóterýge baǵyttalǵan mańyzdy qadam.
Prezıdent Qasym-Jomart Toqaev bıylǵy Joldaýynda úsh jyl ishinde elimizdiń sıfrlyq memleketke aınalý qajettigin tapsyrǵany belgili. Memleket basshysynyń bul bastamasy álemdik deńgeıdegi Qazaqstannyń ornyn aıqyndap bereri sózsiz. Ásirese bilim berý salasy jańa tehnologıalardy ıgerýde negizgi qozǵaýshy kúshke aınalýy qajet. Ýnıversıtettiń Smart aýdıtorıasyn ashýy – osy baǵyttaǵy jumystarynyń bir parasy.
Smart dárisqana – robototehnıka men jasandy ıntellekt tehnologıalaryn biriktirgen zamanaýı bilim berý alańy. Munda stýdentter avtomatty túrde gúlderdi sýaratyn qurylǵy, plasıkalyq bótelkelerdi qaıta óńdeýge arnalǵan PETamentor,jasandy ıntellektke súıengen IJauap robottary sıaqty jobalarmen jumys isteıdi. Bul tek daıyn ónimdi kórý ǵana emes, óz ıdeıalaryn usynyp, tájirıbe júzinde synap, nátıjesin kórýge múmkindik beredi. Iaǵnı, jańa aýdıtorıa stýdentterdi ınovasıalyq oılaýǵa, zertteýge jáne naqty nátıjege qol jetkizýge baýlıdy.
Jańa dárisqana tek tehnıkalyq baza ǵana emes, sonymen birge stýdentterdiń shyǵarmashylyq áleýetin ashatyn, jańa ıdeıalarǵa jol kórsetetin ortalyq bolmaq. Munda stýdentter men jas ǵalymdar birlese jumys istep, jańa jobalar jasaı alady. Demek, teorıa men tájirıbeniushtastyrýda bilim alýshyny kásibı turǵyda shyńdaýǵa múmkindik bermek.
Abaı ýnıversıteti árqashan jańashyldyqty qoldap, olardy oqý prosesine engizýde kóshbasshy. Smart aýdıtorıanyń ashylýy soǵan naqty dálel. Osy bastama arqyly jasandy ıntellekttiqoldanýdyń jańa tásilderin damytyp, stýdentterge zamanaýı bilim men daǵdy qalyptastyrýǵa jol ashady. Aldaǵy ýaqytta ýnıversıtet bilim berý úderisin tolyqtaı sıfrlandyrýǵa, JI-genegizdelgen jobalardy kóbeıtýge jáne osy saladaǵy ǵylymı-zertteý jumystaryn júıeli túrde damytýǵa aıryqsha mán bermek.
Abaı atyndaǵy Qazaq ulttyq pedagogıkalyq ýnıversıteti – elimizdiń joǵary bilim berý keńistiginde pedagogıkalyq kóshbasshy bilim ordasy. Búgingi tańdaǵy basty maqsaty – jasandy ıntellekt pen sıfrlyq tehnologıalardy jetik meńgergen, jańa dáýir talabyna saı kásibı bilikti mamandardy daıarlaý. Al Smart aýdıtorıa soǵan berik negiz qalaıdy.