Kópshilikke jaqsy tanys «Margarıta» pıssasy nelikten áıel adamnyń esimimen atalyp júr?
Pıssa - álemdegi eń tanymal taǵamdardyń biri. Kez kelgen pısserıanyń mázirinde mindetti túrde «Margarıta» atty pıssa bar.
Pıssaǵa uqsas alǵashqy taǵamdar myńdaǵan jyldar buryn daıyndala bastaǵan. Ony rımdikter de, ejelgi grekter de jasaǵan. Biraq oǵan mańyzdy kókónistiń biri qyzanaq jetispegen. Qyzanaq Eýropaǵa Ońtústik Amerıkadan tek XVI ǵasyrdyń basynda kelgen. Sondyqtan ejelgi pıssa ústine irimshik, qyzanaq salynǵan qarapaıym qamyr bolǵan, dep habarlaıdy Almaty-akshamy.kz 24.kz-ke silteme jasap.
Qazirgi pıssaǵa uqsas taǵam alǵash ret Italıanyń Neapol qalasynda XVI ǵasyrdyń ortasynda daıyndaldy degen boljam bar. Alaıda pıssa aýqatty adamdarǵa usynylatyn elıtalyq taǵam bolǵan dep oılamańyz. Kerisinshe, bul kedeılerdiń tamaǵy dep eseptelgen, tipti kedeı sharýanyń ózi qamyrdyń qaldyqtaryn jińishke quımaqqa aınaldyryp, úıden tapqanynyń bárin, ıaǵnı et, irimshik jáne shópterdi ústine qosqan.
Qysqa merzim ishinde pıssa qarapaıym ıtalándyqtardyń súıikti taǵamyna aınalyp, XVII ǵasyrdyń basynda pizzaiolo atty mamandyq ta paıda bolǵan. Rizzaiolo - pıssa pisiretin adam. Keıin aýqatty adamdar da pıssanyń dámin tatady.
Italıa koroliniń áıeli Margarıta Savoıskaıa 1889 jyly qarapaıym adamdardyń turmysyn baqylaý úshin eldi mekenderdi aralaıdy jáne sol jerdegi sharýalarǵa tamaq daıyndaýdy ótinedi. Jergilikti aspazdar patshaıymnyń kenetten kelgenine tańǵalyp, oǵan tán taǵamdardy, ıaǵnı teńiz ónimderin, et taba almaı, aıaq astynan qamyr ılep, ústine irimshik, qyzanaq jáne as shópterin salyp daıyndaıdy. Qarapaıym taǵamnyń patshaıymǵa unaǵany sonshalyq, onyń jeke aspazdary taǵamnyń qalaı pisiriletinin jazyp, Margarıtaǵa jıi daıyndap berýge ýáde etedi.
Dál osy pıssa hanshaıymnyń qurmetine «Margarıta» dep atala bastaıdy.