Elimizdiń úsh óńirinde aptap ystyq saqtalady.
Sınoptıkter búgin Qazaqstanda aýa raıy qandaı bolatynyn aıtty, dep habarlaıdy Almaty-akshamy.kz
"Qazgıdromet" RMK derekteri boıynsha, kúndiz:
BQO, Atyraý, Mańǵystaý oblystarynda, Aqtóbe óńiriniń batysynda ystyq aýa raıy saqtalady;
BQO, Atyraý, Mańǵystaý oblystarynyń ońtústiginde aptap ystyq saqtalady.
"Qazaqstannyń batys jáne ońtústik óńirleri áli de antısıklonnyń yqpalynda bolyp, jaýyn-shashynsyz aýa raıy saqtalady. Elimizdiń qalǵan aýmaǵynda sıklon jáne onymen baılanysty atmosferalyq frontaldy bólikterdiń júrýine baılanysty naızaǵaı oınap, burshaq túsedi, qatty jel soǵady, al soltústik, ortalyq, shyǵys óńirlerde, eldiń ońtústik-shyǵysyndaǵy taýly aýdandarda qatty jańbyr jaýady dep kútiledi. Respýblıka boıynsha ortaq tabıǵı qubylys - jeldiń ekpin alýy. Soltústikte túngi jáne tańerteńgi ýaqytta tuman túsedi",- deıdi sınoptıkter.
Sondaı-aq, Abaı oblysynyń soltústik-batysynda, ortalyǵynda, Atyraý óńiriniń batysynda, shyǵysynda, Batys Qazaqstan oblysynyń soltústik-batysynda, soltústiginde, Mańǵystaý óńiriniń ońtústiginde, Almaty oblysynyń batysynda, Jetisý oblysynyń soltústiginde, shyǵysynda joǵary órt qaýpi saqtalady.
"Túrkistan, Qyzylorda, Jambyl, Ulytaý oblystarynda, Almaty óńiriniń batysynda, Jetisý oblysynyń soltústiginde, shyǵysynda, SHQO, Qostanaı óńiriniń ońtústiginde, Qaraǵandy oblysynyń batysynda, ońtústiginde, Atyraý óńiriniń ońtústik-shyǵysynda, batysynda, Mańǵystaý oblysynyń da batysynda tótenshe órt qaýpi saqtalady", dep tolyqtyrdy "Qazgıdromet" RMK.