«Qazaqstan» teleradıokorporasıasy 2022 jylǵy 5 maýsym - Respýblıkalyq referendým kúni Nur-Sultan qalasynda el kólemindegi eń aýqymdy «REFERENDÝM» onlaın marafonyn uıymdastyrady.
Qazaqstandyq medıa keńistigindegi tuńǵysh saıası shara tańǵy saǵat 09:00-den bastap túngi 01:00-ge deıin jalǵasady jáne otandyq BAQ-tardyń ınternet resýrsy men áleýmettik jelidegi paraqshalarynda onlaın-translásıalanady, dep habarlaıdy Almaty-akshamy.kz
Onlaın marafonnyń negizgi maqsaty – referendým barysynan jedel aqparattar berý, qoǵamnyń túrli toptaryna saıası pikirtalas alańyn usyný, daýys berýdiń aldyn ala qorytyndysyn ashyq talqylaý. Marafon barysynda ár salanyń ókilderi jáne ekspertterdiń qatysýymen brıfıńter, daýys berý barysy týraly elimizdiń barlyq óńirinen tikeleı qosylymdar, dıskýssıa alańdary uıymdastyrylady.
Dıskýssıa alańyndaǵy talqylaýlar respýblıkalyq tele jáne radıoarnalardan tikeleı efırde beriledi.
Sharaǵa depýtattar, saıasattanýshylar, úkimettik emes uıym ókilderi, ár saladaǵy belsendi jastar men mádenıet, sport salasynyń ókilderi jáne jýrnalıser qatysady.