Alty óńirinde tuman túsip, kún kúrkireıdi
28 sáýirde elimizdiń alty oblysynda qolaısyz aýa raıyna baılanysty eskertý jarıalandy, dep habarlaıdy Almaty-akshamy.kz "Qazgıdromet" RMK baspasóz qyzmetine silteme jasaı otyryp.
Túnde jáne tańerteń Mańǵystaý oblysynyń batysynda, ońtústiginde tuman túsedi dep boljanady. Aqtaýda túnde jáne tańerteń tuman bolady.
Tańerteń jáne tústen keıin Qostanaı oblysynyń soltústiginde, shyǵysynda naızaǵaı oınaıdy dep kútiledi. Oblystyń ońtústiginde tuman bolady. Óńirdiń soltústiginde, shyǵysynda ońtústik-batystan soltústik-shyǵysqa oıysa soqqan jeldiń ekpini 15-20 m/s quraıdy.
Jetisý oblysynyń Alakól aýdanynda shyǵystan soqqan jeldiń ekpini 17-22 m/s, keı tusta 28 m/s deıin jetedi.
Kúndiz Soltústik Qazaqstan oblysynyń soltústiginde, shyǵysynda naızaǵaı oınaıdy dep boljanady. Túnde jáne tańerteń oblystyń batysynda tuman túsýi yqtımal. Túnde oblystyń soltústiginde, batysynda ońtústik-batystan, batystan, kúndiz oblystyń basym bóliginde 15-20 m/s jyldamdyqpen jel soǵady, oblystyń soltústiginde, shyǵysynda soqqan jeldiń ekpini 25 m/s quraıdy. Petropavlda kúndiz ońtústik-batystan, batystan soqqan jeldiń ekpini 15-20 m/s, keı tusta 25 m/s deıin jetedi.
Kúndiz Pavlodar oblysynyń soltústiginde ońtústik-batystan 15-20 m/s jyldamdyqpen jel soǵady dep kútiledi.
Kúndiz Túrkistan oblysynyń taýlarynda naızaǵaı oınaýy yqtımal. Oblystyń taýly aýdandarynda shyǵystan, ońtústik-shyǵystan soqqan jeldiń ekpini 15-20 m/s bolady.