"Qazgıdromettiń" kún raıyna jasaǵan boljamy
"Qazgıdromet" 28 aqpanda bolatyn erekshe meteorologıalyq qubylystarǵa boljaý konsýltasıasyn jarıalady, dep habarlaıdy Almaty-akshamy.kz.
Frontaldy bólikterdiń áserinen elimizdiń batysynda, ońtústiginde, soltústiginde jaýyn-shashyn jaýady, (jańbyr men qar túrinde), kóktaıǵaq, jeldiń kúsheıýi kútiledi. Respýblıka boıynsha keı jerlerde tuman, ońtústikte naızaǵaı kútiledi.
Almaty oblysynyń Jalańashkól aýdanynda jel 18-23 m/s kúsheıedi. Túnde jáne tańerteń Túrkistan oblysynda taýly aýdandarda naızaǵaı, oblystyń batysy men taýly aýdandarynda jeldiń 15-20 m/s kúsheıýi kútiledi. Mańǵystaý oblysynyń soltústiginde, ortalyǵynda tuman, túnde ońtústik-batysynda jeldiń 15-20 m/s kúsheıýi kútiledi.
Túnde jáne tańerteń Jambyl oblysynyń ońtústiginde jáne taýly aýdandarda tuman, oblystyń soltústik-shyǵysynda jáne taýly aýdandarynda jeldiń 15-20 m/s kúsheıýi kútiledi. Qyzylorda oblysynyń ortalyǵynda tuman, jeldiń 15-20 m/s kúsheıýi kútiledi. Túnde Batys Qazaqstan oblysynyń batysynda, kúndiz soltústik-batysynda kóktaıǵaq, oblystyń batysynda jáne soltústiginde tuman kútiledi.
Aqmola oblysynyń ońtústik-shyǵysynda, batysynda, Atyraý oblysynyń soltústiginde, shyǵysynda, ortalyǵynda, Aqtóbe oblysynyń soltústiginde, Qostanaı oblysynyń soltústiginde, ońtústik-shyǵysynda, Soltústik Qazaqstan, Pavlodar oblystarynyń ońtústiginde, Qaraǵandy oblysynyń soltústiginde, batysynda, túnde jáne tańerteń Shyǵys Qazaqstan oblysynyń shyǵysynda tuman kútiledi.