Almatynyń sanıtarlyq jaǵdaıyn jáne estetıkasyn jaqsartý maqsatynda 2025 jyly 581 jańa konteınerlik alań salý jáne 1 683 tereńdetile kómilgen konteıner ornatý josparlanyp otyr.
2025–2027 jyldarǵa arnalǵan tıisti búdjet jobasy aldaǵy Máslıhat sesıasynda qaralady, dep habarlaıdy aqshamnews.kz qalalyq Máslıhattyń baspasóz qyzmetine silteme jasap.
Zamanaýı konteınerler keńistikti tıimdi paıdalanyp, alańdardy yqshamdaa, jaǵymsyz ıistiń aldyn alyp, qustar men buralqy janýarlardan qorǵaıdy. Qazir qalada 786 tereńdetile kómilgen konteıner ornatylǵan, bul turǵyndar úshin tazalyq pen jaılylyqty qamtamasyz etýge jasalǵan mańyzdy qadam.
Sonymen qatar, 2024 jyly Almatyda 1 m³ kólemindegi 1800 plasık evrokonteıner satyp alyndy. Bul konteınerler turmystyq qaldyqtardy jınaýdy jeńildetip, qoqys shyǵarý úderisin jaqsartýǵa múmkindik beredi.
Eske salsaq, 2012 jyly Almatyda 197 tereńdetile kómilgen konteınerlik alań jáne 1 001 konteıner salynǵan bolatyn. Alaıda 10 jyldyq paıdalaný kezeńinde bul konteınerler agressıvti orta áserinen qatty tozǵan. Osyǵan baılanysty qalada sapasy joǵary jańa konteınerler satyp alynýda.
Jańa konteınerler joǵary sapaly ekologıalyq taza polıetılennen jasalǵan. Álemdik standarttarǵa saı, amadan tys tozýǵa tózimdi, tehnologıasy materıaldyń birkelki qalyńdyǵyn jáne beriktigin qamtamasyz etedi.