Bul 2 myńnan astam jańa jumys ornyn ashýǵa múmkindik beredi.
Bıyl Elordaǵa 118 mıllıard teńgeden astam ınvestısıa quıylady. Nátıjesinde 30-ǵa jýyq joba iske qosylady, dep habarlaıdy Almaty-akshamy.kz.
Bul týraly Astana ákimi Jeńis Qasymbek Instagram jelisindegi paraqshasynda málim etti.
«Biz qalanyń damýyna jeke ınvestısıa tartyp jatyrmyz. Bıyl 30-ǵa jýyq jobany iske qosýdy josparlap otyrmyz. Jeke ınvestısıanyń jalpy kólemi 118 mıllıard teńgeden asady. Eki myńnan astam jumys orny ashylady. Bul ónerkásip, medısına, agroónerkásiptik keshen salalaryndaǵy kásiporyndar, bilim salasyndaǵy bes nysan (mektepter, balabaqshalar), logıstıka salasyndaǵy tórt joba, sport keshenderi», - dep jazdy ákim.
Búgin Jeńis Qasymbek Indýstrıa jáne ınfraqurylymdyq damý mınıstri Marat Qarabaevpen birge No1 ındýstrıaldy parkte bolyp, ondaǵy birqatar kásiporyndardyń jumysymen tanysty. Olardyń qatarynda ModeX modýldik turǵyn úı qurylysy zaýyty, mamandandyrylǵan jabdyqtardy qurastyrý zaýyty, vıtrajdar, terezeler, medısınalyq jabdyqtar, jıhazdar, respıratorlar shyǵaratyn zaýyt bar.