Eldiń basym bóliginde jaýyn-shashynsyz aýa raıy saqtalady
19 qazan kúni respýblıkanyń basym bóligine antısıklon jotasynyń yqpaly jalǵasady. Soǵan baılanysty jaýyn-shashynsyz aýa raıy saqtalady, dep habarlaıdy Almaty-akshamy.kz
Eldiń tek batysynda sıklon jyrasynyń áserinen jańbyr kútiledi. Soltústik, shyǵys jáne batys óńirlerde – tuman, ońtústik-shyǵys, batys óńirlerde ekpindi jel boljanady.
Atap aıtqanda, Jambyl oblysynyń ońtústik-batysynda, soltústik-shyǵysynda jáne taýly aýdandarynda 15-20 m/s kúshpen jel soǵady, ekpini 23 m/s artady.
Túnde Batys Qazaqstan oblysynyń soltústiginde, shyǵysynda jeldiń ekpini 15-20 m/s kúsheıedi.
Atyraý oblysynyń batysynda, ońtústik jáne ortalyǵynda, Qostanaı, Shyǵys Qazaqstan oblystarynyń soltústiginde, túnde Pavlodar oblysynyń ońtústiginde, Mańǵystaý oblysynyń batysynda – tuman, kúndiz Qostanaı oblysynyń soltústiginde 15-20 m/s jyldamdyqta jel kútiledi.