Qazaqstannyń basym bóliginde qolaısyz aýa raıyna baılanysty eskertý jarıalandy
19 mamyrda Qazaqstannyń basym bóliginde qolaısyz aýa raıyna baılanysty eskertý jarıalandy. Barlyq derlik oblystarda naızaǵaı oınap, jel soǵady, al keıbir óńirde úsik júrip, taǵy birinde, kerisinshe, tótenshe órt qaýpi saqtalady dep boljanady, dep habarlaıdy Almaty-akshamy.kz.
Sınoptıkterdiń málimetinshe, túnde jáne tańerteń Aqmola oblysynyń batysynda, ońtústiginde naızaǵaı oınaıdy dep boljanady. Túnde oblystyń soltústiginde, batysynda, ońtústiginde soltústik-shyǵystan, shyǵystan, kúndiz oblystyń basym bóliginde soqqan jeldiń ekpini 15-20 m/s quraıdy. Kúndiz Astanada qatty jel soǵady, ekpini 20 m/s deıin jetedi dep kútiledi.
Túnde Qostanaı oblysynyń soltústiginde, shyǵysynda, kúndiz óńirdiń ońtústik jartysynda naızaǵaı oınap, burshaq jaýýy yqtımal. Oblystyń shyǵysynda, ońtústiginde shyǵystan 15-20 m/s jyldamdyqpen jel soǵady. Oblystyń ońtústiginde órt qaýpi joǵary.
Almaty oblysynyń taýly aýdandarynda arakidik jańbyr jaýady dep kútiledi. Túnde óńirdiń shyǵysynda, taýly aımaqtarynda, kúndiz soltústikte, ońtústikte, taýly aımaqtarda naızaǵaı oınap, burshaq jaýýy múmkin. Oblystyń ońtústiginde, shyǵysynda, taýly aýdandarynda batystan soqqan jeldiń ekpini 18-23 m/s quraıdy.
Almatyda kúndiz naızaǵaı oınap, burshaq jaýady dep kútiledi. Qonaevta kúndiz naızaǵaı jarqyldap, jańbyr jaýady dep boljanady.
Batys Qazaqstan oblysynyń soltústiginde, shyǵysynda naızaǵaı oınaıdy dep kútiledi.
Kúndiz Aqtóbe oblysynyń basym bóliginde, túnde óńirdiń soltústiginde, shyǵysynda, batysynda naızaǵaı oınaıdy. Aqtóbede de kúndiz naızaǵaı bolady dep kútiledi.
Qaraǵandy oblysynyń batysynda, soltústiginde, ońtústiginde naızaǵaı oınaıdy dep boljanady. Oblystyń soltústiginde shyǵystan, soltústik-shyǵystan 18 m/s jydamdyqpen jel soǵady. Óńirdiń soltústiginde, shyǵysynda órt qaýpi joǵary.
Túnde jáne tańerteń Aqmola oblysynyń batysynda, ońtústiginde naızaǵaı oınaıdy dep boljanady. Túnde oblystyń soltústiginde, batysynda, ońtústiginde soltústik-shyǵystan, shyǵystan, kúndiz óńirdiń basym bóliginde soqqan jeldiń ekpini 15-20 m/s quraıdy.
Kókshetaýda tańerteń jáne tústen keıin sınoptıkter shyǵystan soqqan jeldiń ekpini 15 m/s deıin jetedi, Qyzylorda oblysynyń soltústiginde, ońtústiginde, ortalyǵynda naızaǵaı, daýyl bolady dep boljaıdy. Oblystyń ortalyǵynda ońtústik 15-20 m/s jyldamdyqpen jel soǵady. Sonymen qatar, qala men oblysta tótenshe órt qaýpi joǵary.
Túnde Soltústik Qazaqstan oblysynyń ońtústik-batysynda naızaǵaı oınaıdy dep boljanady. Túnde oblystyń soltústiginde, batysynda, ońtústiginde, kúndiz oblystyń kóp bóliginde soqqan jeldiń ekpini 15-20 m/s quraıdy, oblystyń ońtústiginde, batysynda soqqan jeldiń ekpini - 23 m/s. Túnde oblystyń soltústiginde topyraq beti qatyp, synap baǵany -2 gradýsqa deıin tómendeıdi, úsik júredi dep kútiledi.
Petropavlda shyǵystan soqqan jeldiń ekpini 15-20 m/s deıin jetedi.
Ulytaý men Jezqazǵan oblystarynyń basym bóliginde naızaǵaı oınaıdy dep kútiledi. Oblystyń shyǵysynda órt qaýpi joǵary.
Túrkistan oblysynyń taýly aımaqtarynda arakidik jańbyr jaýady dep kútiledi. Oblystyń soltústiginde, ońtústiginde, batysynda, taýly aýdandary men taý bókterinde naızaǵaı, daýyl bolady, burshaq jaýady dep boljanady. Ońtústik-batystan soqqan jeldiń naızaǵaı kezindegi ekpini - 15-20 m/s.
Sınoptıkter Shymkent pen Túrkistanda naızaǵaı oınap, qatty jel turady dep boljaıdy. Ońtústik-batystan soqqan jeldiń naızaǵaı kezindegi ekpini - 15-20 m/s.
Túnde Shyǵys Qazaqstan oblysynyń shyǵysynda synap baǵany -2 gradýsqa deıin tómendep, úsik júredi dep kútiledi.
Kúndiz Pavlodar oblysynyń basym bóliginde, túnde ońtústik-shyǵysynda soltústik-shyǵystan jel soǵady, ekpini 15-20 m/s quraıdy. Túnde oblystyń soltústiginde topyraq beti qatyp, synap baǵany -1 gradýsqa deıin tómendeıdi, úsik júredi dep kútiledi. Oblys ortalyǵynda, shyǵysynda tótenshe órt qaýpi saqtalady. Pavlodarda kúndiz soltústik-shyǵystan soqqan jeldiń ekpini 20 m/s jetedi dep kútiledi.
Mańǵystaý oblysynyń soltústik-shyǵysynda naızaǵaı oınaıdy dep boljanady. Oblystyń batysynda, soltústiginde tuman bolady. Aqtaýda túnde jáne tańerteń tuman túsedi.
Jetisý oblysynyń taýly aımaqtarynda, shyǵysynda, ońtústiginde naızaǵaı oınaıdy dep kútiledi. Ońtústik-batystan soqqan jeldiń naızaǵaı kezindegi ekpini - 15-20 m/s, Alakól mańyndaǵy jel ekpini - 25 m/s.