Tipti tamaqtanýǵa qarajaty jetpeıtinderdiń kórsetkishi 13%
Qazaqstandaǵy ortasha jalaqy 158 myń teńge. Mundaı aqparatty KTK telearnasy jarıalaǵan. Jýrnalıser qazaqstandyqtardyń naqty jalaqysy nelikten statısıkalyq málimetterde aıtylatyn sıfrdan nege tómen ekenin anyqtap kórgen, dep habarlaıdy Almaty-akshamy.kz.
Resmı derekter boıynsha, Qazaqstanda ortasha jalaqy qazir 275,5 myń teńgeni quraıdy jáne ol únemi ósip keledi. Memleket basshysy muny shyndyqqa janaspaıdy dep, halyqtyń tabysy jalaqydan góri áleýmettik járdemaqylarǵa kóbirek táýeldi ekenin atap ótti. Al áleýmettanýshylar sandardyń aıyrmashylyǵyn bylaı túsindiredi.
«Eger biz kiristi alatyn bolsaq, onda kúzde, mysaly, shamamen 38% adamnyń otbasylyq jıyntyq tabysy 100-den 200 myń teńgege deıin bolǵan, al shamamen 23%-nyń tabysy 200-den 300 myń teńgege deıin bolǵan. Biraq bul bizde qoldanylatyn kórsetkish. Mindetti turde obasy koefısıentine bólý kerek. 100-den 200 myń teńgege deıingi tabysty 4-ke bólý kerek, sonda Prezıdent aıtqan 50 myń teńge shyǵady. Biraq eger biz óńir boıynsha bólsek, onda basqasha kórsetkish paıda bolady», – deıdi «Strategıa» Áleýmettik jáne saıası zertteýler ortalyǵynyń prezıdenti Gúlmıra Ileýova.
Statısıkaǵa súıensek, eń joǵary ortasha jalaqy Atyraý oblysynda jáne ol 420 myń teńge. Sondaı-aq kóshbasshylar úshtigine Nur-Sultan qalasy men Mańǵystaý oblysy kirdi. Eń tómengi ortasha jalaqy Túrkistan jáne Soltústik Qazaqstan oblystarynda. Biraq mundaı sandar qalaı paıda bolady?
Ulttyq statısıka búrosynda kásiporyndar qyzmetkerlerdiń jalaqysy týraly esep beredi deıdi.
«Olardyń jalaqy qory jınaqtalyp, naqty qyzmetkerler sanyna bólinedi. Sodan keıin sol kezeńdegi aılar sanyna bólinedi. Bir toqsanda úsh aı bar. Shamamen 1,5 myń 30 adamǵa bólinip, úsh aıǵa bólinedi. Bul bir toqsandaǵy ortasha kórsetkish. Esepteýlerge syılyqaqylar, ústemeaqylar kiredi, biraq zeınetaqy jáne salyq aýdarymdaryn eseptemeıdi», – dep túsindiredi Ulttyq statısıka búrosy departamentiniń bas sarapshysy Almagúl Sametova.
Qazaqstandyqtardyń naqty qarjylyq jaǵdaıy resmı sandarǵa qaraǵanda áldeqaıda tómen.
«Bizdiń azamattarymyzdyń kópshiligi az jalaqy alady. 70 myń, 60 myń teńge bolatyn jalaqy bar. 100-120 myń teńge jalaqy bar. Sondyqtan, árıne, Statısıka turǵysynan qatelikter bar. Biz jaǵdaıdy jaqsy etip kórsetetin ádistemelerdi qoldanatyn statısıkadan ketýimiz kerek», – deıdi saıasattanýshy Rasýl Jumaly.
Sarapshylar statısıkterge medıanalyq jáne modáldy jalaqy mólsherin aıtýǵa keńes beredi. Medıanalyq jalaqy ortasha statısıkalyq qazaqstandyqtyń jalaqysyn kórsetedi. Búginde ol 158 myń teńgeni quraıdy. Mundaı soma shynaıy kórsetkishke jaqy. Al modáldy jalaqy jumysshylardyń kóbine qansha qarajat alatyndyǵyn kórsetedi.
Áleýmettanýshy Gúlmıra Ileýova tutyný pıramıdasynyń sheginde qalǵan adamdar sany artyp kele jatqanyn aıtady. Ótken jyly mamandar zertteý júrgizip, halyqtyń kedeılengenin anyqtaǵan. Tipti tamaqtanýǵa qarajaty jetpeıtinderdiń kórsetkishi 13%. Ótken jyldary bul kórsetkish 3 % bolatyn. Azyq-túlik satyp ala alady, biraq birden kıim nemese aıaq kıim ala almaıtyn azamattar 30% . Shamamen 40%-y jańa tehnıkany nemese jıhazdy satyp ala almaıdy.
«Kıim, tamaq jetkilikti, biraq shartty túrde iri saýda-sattyqqa, turmystyq tehnıkaǵa qarajaty jetpeıtinder sany kóp. Sondyqtan nesıeler turmystyq tehnıkaǵa alynady. Bul toptyń kórsetkshi shamamen 56, 60% boldy. Bul áleýmettik top eldi turaqty jaǵdaıda ustaǵan negizgi top. Al qazir olardyń kórsetkishi azaıǵan 40% boldy», – deıdi Gúlmıra Ileýova.
Sarapshylar muny elde ınflásıa ósip, biraq jalaqy óspeıtinimen túsindiredi. Nátıjesinde adamdardyń ómir súrý deńgeıi tómendeıdi. Úkimettiń keńeıtilgen otyrysynda Qasym-Jomart Toqaev mynanaı sıfrdy keltirdi. Mıllıonnan astam azamattyń jalaqysy eń tómengi kúnkóris deńgeıine jetpeıdi, ıaǵnı 36 myń teńge. Bul – sońǵy 10 jyldaǵy eń nashar kórsetkish.