QR terıtorıasynyń basym bóliginde qar jaýady
«Qazgıdromet» sınoptıkteri 14 aqpan, dúısenbige arnalǵan aýa raıy boljamyn usyndy, dep habarlaıdy Almaty-akshamy.kz.
Soltústik-batys sıklonyna baılanysty QR terıtorıasynyń basym bóliginde qar jaýady.
Iaǵnı, elimizdiń ońtústigi, ońtústik-shyǵysy jáne ońtústik-batysynda jaýyn-shashyn túsedi.
Respýblıka boıynsha keı jerlerde tuman, burqasyn, elimizdiń ońtústigi, ońtústik-shyǵysy jáne ońtústik-batysynda kóktaıǵaq bolady, basym bóliginde jel kúsheıedi.
Túrkistan oblysynyń soltústiginde jáne taýly aımaqtarynda tuman túsedi, oblystyń soltústiginde, batysynda jáne taýly aımaqtarynda kóktaıǵaq bolady.
Oblystyń batysynda, ońtústiginde jáne taý bókterinde jel qarqyny - 17-22 m/s, taýly aımaqtarda jáne oblystyń soltústiginde - 25 m/s, keı jerlerde 30 m/s asady.
Jambyl oblysynyń soltústiginde jáne taýly aımaqtarynda tuman, kóktaıǵaq bolady. Oblystyń ońtústik-batysynda, soltústik-shyǵysynda jáne taýly aımaqtarynda jel ekpini 15-20 m/s bolady. Tańerteń jáne kúndiz jeldiń kúshi - 23-28 m/s, keı ýaqytta 30 m/s asady.
Aqmola oblysynda burqasyn, túnde oblystyń ońtústik-shyǵysynda, soltústiginde tuman túsedi, oblystyń ońtústiginde, batysynda jeldiń kúshi - 15-20 m/s, kúndiz basym bóliginde ekpini 25 m/s jetedi.
Túnde Atyraý oblysynyń soltústiginde, shyǵysynda jáne ortalyǵynda jel ekpini 15-20 m/s deıin kúsheıedi.
Mańǵystaý oblysynyń soltústik-shyǵysynda túnde kóktaıǵaq bolady, oblystyń basym bóliginde jel jyldamdyǵy - 15-20 m/s.
Aqtóbe oblysynyń ortalyǵynda, ońtústiginde, shyǵysynda jel qarqyny 15-20 m/s jetedi. Túnde oblystyń ońtústiginde jaıaý burqasyn soǵady.
Qostanaı oblysynyń batysynda, ońtústiginde jaıaý burqasyn kóteriledi, jel ekpini - 15-20 m/s. Soltústik Qazaqstan oblysynyń ońtústiginde tuman túsedi.
Pavlodar oblysynyń ońtústiginde kúndiz jaıaý burqasyn, jel jyldamdyǵy - sekýndyna 15-20 metr. Túnde oblystyń batysynda, ońtústiginde tuman túsedi.
Qaraǵandy oblysynyń batysynda, soltústiginde, ortalyǵynda burqasyn soǵady, jel qarqyny - 15-20 m/s.
Shyǵys Qazaqstan oblysynyń soltústiginde, batysynda jaıaý burqasyn kóteriledi, jeldiń kúshi - 15-20 m/s.
Qyzylorda oblysynyń túnde basym bóliginde, kúndiz ortalyǵynda, ońtústiginde kóktaıǵaq bolady. Túnde óńirdiń soltústiginde, ortalyǵynda, kúndiz basym bóliginde jel ekpini 15-20 m/s deıin kúsheıedi.