Otandyq short- trek sheberleri Olımpıadada tórttikke engen emes
Beıjiń Olımpıadasynda short-trekten 500 metrge júgirýden erler arasyndaǵy jeńimpazdar men júldegerler anyqtaldy, dep habarlaıdy Almaty-akshamy.kz Olympic.kz-ke silteme jasap.
Fınaldyq synda qazaqstandyq Abzal Ájiǵalıev ta óner kórsetken bolatyn. Aqtyq básekede Abzal máre syzyǵyn tórtinshi bolyp kesip, júldege synyq súıem jerden toqtady.
Atalǵan qashyqtyqta altyn júldeni Vengrıa, kúmisti Reseı, qolany Kanada sportshylary ıelengen.
Abzal Ájiǵalıev qysqa qashyqtyqtarǵa júgirýden álem kýboginiń jeńimpazy ári birneshe dúrkin júldegeri. Ol Sochı jáne Phchenchhan Olımpıadalaryna qatysyp, A fınalyna alǵash ret Beıjiń oıyndarynda shyqqan bolatyn.
Ázirge, Abzal qazaqstandyq short-trekshilerdiń Olımpıadadaǵy eń iri jetistigin tirkep otyr. Buǵan deın otandyq short- trek sheberleri Olımpıadada tórttikke engen emes.
Sondaı-aq, osyǵan deıin Ádil Ǵalıahmetov 1500 metrge jarysýdan fınalda baq synap, segizinshi oryn alǵan bolatyn.