1991 jyldan beri respýblıkaǵa 1 mıllıon 103,5 myń etnıkalyq qazaq oraldy.
2022 jylǵy 1 qarashadaǵy jaǵdaı boıynsha, 15 637 etnıkalyq qazaq tarıhı otanymen tabysyp, qandas mártebesin aldy, dep jazady Almaty-akshamy.kz.
«Jyl basynan Qazaqstanǵa kelgen qandastardyń jartysynan kóbi (65,2%) Ózbekstannan, 9,2% – Qytaıdan, 8,8% – Reseıden, 8% – Túrikmenstannan, 4,8% – Mońǵolıadan jáne 4% - basqa elderden», - delingen Eńbek jáne halyqty áleýmettik qorǵaý mınıstrliginiń baspasóz qyzmetiniń habarlamasynda.
Kelgen etnıkalyq qazaqtar negizinen Almaty (28,1%), Mańǵystaý (16,3%), Túrkistan (8,7%) jáne Jambyl (6,1%) oblystaryna, sondaı-aq Astana (9%), Shymkent (6,9%) jáne Almaty (5,5%) qalalaryna qonystandy.
Bıylǵy jylǵy 1 qarashadaǵy jaǵdaı boıynsha, eńbekke qabiletti jastaǵy etnıkalyq qonys aýdarýshylar sany 59,6%-dy, eńbekke qabiletti jastan kishi 26,7%-dy jáne zeınetkerler 13,7%-dy quraıdy.
Eńbekke qabiletti jastaǵy qandastardyń ishinen bilim deńgeıi boıynsha 16%-y joǵary bilimdi, 39%-y orta kásibı bilimdi, 43,1%-y jalpy orta bilimdi jáne 1,9%-ynyń bilimi joq.