25 qarasha men 10 jeltoqsan aralyǵynda “Zorlyq-zombylyqsyz 16 kún!” respýblıkalyq naýqany ótip jatyr, dep habarlaıdy Almaty-akshamy.kz Polisia.kz-ke silteme jasap.
«İs-shara turmystyq zorlyq-zombylyqtyń aldyn alý jáne oǵan qarsy turý, polısıaǵa degen senim deńgeıin arttyrý, qoǵamdaǵy otbasynyń rólin nyǵaıtý maqsatynda ótkizilýde. İs-sharanyń negizgi maqsaty – áıelderge qatysty zorlyq-zombylyqtyń aldyn alý, ana men balany qorǵaý, otbasynyń qoǵamdaǵy rólin nyǵaıtý baǵytynda atqarylyp jatqan sharalarmen halyqty tanystyrý. Shara aıasynda turǵyndar arasynda aqparattyq-nasıhattaý jumystaryn júrgizý josparlanýda. İİO-da profılaktıkalyq esepte turǵan adamdardy turǵylyqty jeri boıynsha tekserý, otbasy-turmystyq qatynastar salasynda quqyq buzýshylyqtardy jasaǵan, alkogóldik ishimdikterdi asyra paıdalanatyn adamdardy anyqtaý jáne esepke alý, sondaı-aq olardyń turmystyq ómirde qylmys jasamaýlaryn qadaǵalaý», – dedi Almaty qalasy PD Jergilikti polısıa qyzmeti basqarmasy bastyǵynyń orynbasary Dıas Dýanbekov.
Naýqanǵa daǵdarys ortalyqtary da belsene qatysýda. Onda quqyqtyq keńes jáne psıhologıalyq kómek kórsetý boıynsha senim telefondary jumys isteıdi. Turmystyq zorlyq-zombylyq derekteri týraly habardar bolsańyz nemese osyndaı zorlyq-zombylyqtyń qurbany bolsańyz, polısıaǵa kelesi telefondar arqyly habarlasýyńyz qajet: Almaty qalasy PD: 254-45-99; Almaly aýdandyq PB: 254-46-09; Alataý aýdandyq PB: 227-55-54; Áýezov aýdandyq PB: 298-53-33; Bostandyq aýdandyq PB: 254-47-26; Jetisý aýdandyq PB: 254-49-43; Medeý aýdandyq PB: 254-48-66; Túrksib aýdandyq PB: 298-54-25; Naýryzbaı aýdandyq PB: 254-49-48. Daǵdarys ortalyqtarynyń telefondary: “Rodnık” QQ – 396-19-38; “Jan-Saıa” KMM – “150” (anonımdi, táýlik boıy) nemese 8-771-450-34-50;8-727-243-22-21 “Analar úıi” KQ -8-747-311-41-09; 8-747-311-40-51; 8-747-311-40-67.