Naýryzbaı aýdany ákimdiginiń janyndaǵy alańda Elorda kúni erekshe toılandy. Mereke qarsańynda aýdan turǵyndary men qala qonaqtaryna arnalǵan estrada juldyzdary men aýdandaǵa ónerpazdardyń qatysýymen 2 saǵattyq konserttik baǵdarlama uıymdastyryldy. Kópbalaly analardyń ulttyq buıymdar men tósek jabdyqtarynyń kórmesi qoıyldy.
Sondaı-aq, "Bilim club" óner ortalyǵynyń 100 jas sýretshileriniń týyndylary qala jurtshylyǵyna usynyldy. Shahmattan sporttyq saıys, balabaqsha búldirshinderi arasynda asfáltta sýret salý saıysy ótkizildi. Sonymen qatar, balalar oıyn alańdary men qoǵamdyq tamaqtaný oryndary uıymdastyryldy. Jańa ǵasyr qalasy, beıbitshilik mekeni retinde tanylyp keledi.
Endeshe, búginde qazaq eliniń elordasy bolýymen qatar halyqaralyq alqaly jıyndardyń da ordasyna aınalǵan el astanasynyń mereıi tasyp, bedeli asqaqtaı bersin dep tileıik.
Atalǵan sharaǵa 3000-ǵa jýyq adam qatysty.