1 baladan KVI anyqtalsa synyptaǵy barlyq oqýshy jáne muǵalimder PTR test tapsyrady. Bul týraly QR Densaýlyq saqtaý vıse-mınıstri Ajar Ǵınıat aıtty, dep habarlaıdy almaty-akshamy.kz
Ortalyq komýnıkasıalar qyzmetindegi baspasóz máslıhaty barysynda Densaýlyq saqtaý vıse-mınıstrine «Bir synypta bir bala vırýs juqtyrsa, barlyq oqýshy men muǵalimder PTR test tapsyrýy qajet pe?» degen saýal qoıylǵan edi.
«Iá, ol bala baılanysta bolǵandyqtan barlyǵy da PTR testin tapsyrýy tıis»,- dep jaýap berdi Ajar Ǵınıat.
Buǵan deıin vıse mınıstr elimizde 354 mekteptiń sanıtarlyq-epıdemıologıalyq talapqa saı emestigin aıtqan bolatyn. Jalpy, jańa oqý jylynda bilim berý uıymdaryna qoıylatyn sanıtarlyq-epıdemıologıalyq talap kúsheıtilmek. Ol úshin taıaý arada QR Bas memlekettik sanıtar dárigeriniń arnaýly qaýlysy qabyldanady.