Алматы қаласының №2 балалар қалалық клиникалық ауруханасында «Балалардағы жаңа туған кезеңдегі эпилептикалық жағдайлар» тақырыбында халықаралық Орталық Азиялық мастер-класс өтті.
Іс-шара Еуропалық балалар неврологтарының қауымдастығының (EPNS) қолдауымен «Ми саулығы» жаһандық ұранымен неврологиялық көмекті жақсарту бойынша ДДСҰ салааралық жоспары аясында ұйымдастырылды. Семинарға Қазақстан, Қырғызстан, Өзбекстан, Әзірбайжан және Ресейден келген мамандар жиналып, балалар эпилепсиясымен күресте халықаралық ынтымақтастықтың маңыздылығын талқылады.
«Іс-шараның негізгі мақсаты – балалар неврологиясы және эпилептологиясы саласындағы мамандардың теориялық, практикалық және клиникалық деңгейін арттыру. Негізгі назар неонаталдық және ерте балалық эпилепсияның өзекті диагностикалық алгоритмдеріне, терапия мен бақылаудың жаңа тәсілдеріне, басқа пароксизмальды жағдайлармен дифференциалды диагностикаға және пациенттерді емдеудің көпсалалы әдістеріне аударылады», – дейді Алматы қаласының №2 балалар қалалық клиникалық ауруханасының директоры Марат Рабандияров.
Эпилепсия – балалардағы ең көп таралған неврологиялық аурулардың бірі. Әсіресе, жаңа туған сәбилер мен кішкентай балаларда көп кездеседі, тырысу мидың зақымдануының алғашқы және маңызды көрінісі болып табылады. Осы жаста эпилепсияны ерте анықтау, нақты диагностика және уақтылы емдеу баланың дамуының болжамына күрт әсер етуі мүмкін.
Қазіргі заманғы медицинада эпилепсияны бақылаудың кең ауқымы – дәрілік терапиядан хирургиялық әдістерге және диеталық әдістерге дейін бар.
Алматы қаласындағы эпилепсиямен ауыратын балаларға кешенді көмек Қазақстан-Ресей медицина университетінің невропатолог, эпилептолог, нейрофизиолог, нейрохирург, бөлімше қызметкерлерінен құралған тәжірибелі көпсалалы командасы бар жетекші мекеме – №2 балалар қалалық клиникалық ауруханасында көрсетіледі.
