Бірыңғай жинақтаушы зейнетақы қорының мәліметінше, 2026 жылы зейнетке шығу ережесі өзгеріссіз қалады, деп хабарлайды aqshamnews.kz
Келер жылы ерлер – 63 жасында, әйелдер 61 жасынан бастап зейнетақы алады.
БЖЗҚ ақпаратына қарағанда, әйелдердің зейнетке шығу жасы ақырындап ұлғая береді. 2031 жылға қарай нәзік жандылар да 63 жастан шығатын болады.
"Зейнет жасы – көптеген елдерде талқыланатын маңызды тақырып. Қазақстан да бұл мәселеден тыс емес. Әлемдік экономикалық және демографиялық өзгерістер жағдайында зейнет жасын арттыру халықаралық тәжірибеге айналып келеді. Халықтың өмір сүру ұзақтығының артуы мен қарттардың көбеюі жұмыс істейтін азаматтарға түсетін салмақты арттырады", – делінген зейнетқы қорының хабарламасында.
Бірыңғай жинақтаушы зейнетақы қорының мәліметінше, Қазақстандағы жалпы белгіленген зейнет жасы ерлер үшін 63 жас, әйелдер үшін 2024 жылғы 1 қаңтардан бастап 61 жас деп белгіленген.
2028 жылғы 1 қаңтардан бастап – 61,5 жастан;
2029 жылғы 1 қаңтардан бастап – 62 жастан;
2030 жылғы 1 қаңтардан бастап – 62,5 жастан;
2031 жылғы 1 қаңтардан бастап – 63 жастан зейнетке шықпақ.
