ەندى پەدوفيلدەر ءومىر بويىنا باس بوستاندىعىنان ايىرىلۋى مۇمكىن.
ءماجىلىس دەپۋتاتتارى بۇل تۋرالى جاڭا زاڭ جوباسىن ازىرلەدى، دەپ حابارلايدى Almaty-akshamy.kz
پارلامەنت ءماجىلىسى "قازاقستاننىڭ كەيبىر زاڭنامالىق اكتىلەرىنە ايەلدەردىڭ قۇقىقتارى مەن بالالاردىڭ قاۋىپسىزدىگىن قامتاماسىز ەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭ جوباسىن قارايدى.
ماجىلىسمەن، الەۋمەتتىك-مادەني دامۋ كوميتەتىنىڭ ءتوراعاسى اسحات ايماعامبەتوۆتىڭ ايتۋىنشا، زاڭ جوباسى ءماجىلىس دەپۋتاتتارىنىڭ باستاماسىمەن ازىرلەنگەن. قۇجات وتباسىنداعى زورلىق-زومبىلىق ءۇشىن جاۋاپكەرشىلىكتى قاتاڭداتۋ تۋرالى پرەزيدەنتتىڭ تاپسىرماسىنا تولىعىمەن سايكەس كەلەدى.
زاڭ جوباسىندا دەپۋتاتتار بىرنەشە نەگىزگى نورما ۇسىنىپ وتىر:
ۇرىپ-سوعۋدى جانە دەنساۋلىققا جەڭىل زيان كەلتىرۋدى قازىرگى اكىمشىلىك جاۋاپكەرشىلىكتەن قىلمىستىق جاۋاپكەرشىلىككە جاتقىزۋ، جازاسىن الدەقايدا قاتاڭداتۋ؛
جابىرلەنۋشىنىڭ ءوتىنىشىن كۇتپەي-اق، زورلىق-زومبىلىق تۋرالى ب ا ق نەمەسە ونلاين پلاتفورمالارداعى اقپارات نەگىزىندە ءتىستى شارالار قابىلداۋ قۇقىعىن بەرۋ؛
وتباسىندا زورلىق-زومبىلىق جاساعان ادامداردىڭ اگرەسسيۆتى مىنەز-قۇلقىن وزگەرتۋ ءۇشىن سوتقا پسيحولوگيالىق كومەك كورسەتۋدى مىندەتتەۋ وكىلەتتىگىن بەرۋ؛
پەدوفيلدەردى ءومىر بويىنا باس بوستاندىعىنان ايىرۋ؛
سۋيسيدتى ناسيحاتتاعانى نەمەسە سۋيسيدكە يتەرمەلەگەنى ءۇشىن قىلمىستىق جاۋاپكەرشىلىك ەنگىزۋ؛
بالالارعا ارنالعان ينتەرنات ۇيىمدارىنا الدىن-الا ەسكەرتۋسىز كەز-كەلگەن ۋاقىتتا بارۋ جانە تەكسەرۋ.
الەۋمەتتىك-مادەني دامۋ كوميتەتى زاڭ جوباسى بويىنشا قورىتىندى ازىرلەۋگە دايىن.