2023 جىلى اۋداندى اباتتاندىرۋ بويىنشا 25 جوبا ىسكە اسىرىلعان.
ونىڭ ىشىندە 6 قوعامدىق كەڭىستىك (ك. بايسەيىتوۆا كوشەسى، گاندي پاركى، سوسنوۆىي سكۆەرى، بيوكومبينات، ازتم جانە رايىمبەك داڭعىلى، بەكەتوۆ كوشەسى) جانە اۆتوماتتى سۋارۋ قۇرىلىسى بار 19 جاسىل ايماق كوگالداندىرىلعان. بۇل تۋرالى المالى اۋدانى تۇرعىندارىمەن كەزدەسۋىندە قالا باسشىسى ە.دوسايەۆ ايتتى، دەپ حابارلايدى اlmaty-akshamy.kz.
جاڭبىر جاۋعان كەزدە سۋ باساتىن ۋچاسكەلەر سانىن ازايتۋ ءۇشىن توتەنشە جاعدايلار جەلىسى بويىنشا 12 ۋچاسكەنى جويۋ جۇمىستارى جۇرگىزىلدى، 41،1 شاقىرىم ارىق جەلىسىن قايتا قۇرۋ جانە سالۋ جۇمىستارى جالعاسۋدا. قازىرگى ۋاقىتتا جالپى ۇزىندىعى 11،5 شاقىرىم بولاتىن 31 ۋچاسكە اياقتالدى. بيىل جىل سوڭىنا دەيىن قالعان 29،6 شاقىرىم اياقتاۋ جوسپارلانىپ وتىر
ارحيتەكتۋرالىق كەلبەتىن ساقتاۋ ماقساتىندا كتك-نىڭ 47 قاسبەتىن جاڭارتۋ بويىنشا جۇمىستار جۇرگىزىلدى. تۇرعىندارعا قولايلى جاعداي جاساۋ اياسىندا 91 اۋلا اۋماعىن اباتتاندىرۋ جۇمىستارى جۇرگىزىلدى. «حالىق قاتىساتىن بيۋدجەت» باعدارلاماسىن ىسكە اسىرۋ بويىنشا جۇمىس جالعاسۋدا. 2023 جىلى باعدارلاما اياسىندا 1،6 ملرد تەڭگە سوماعا 34 جوبا ىسكە اسىرىلدى. ال بيىل 52 جوبانى ىسكە اسىرۋ ماقساتىندا قارجىلاندىرۋ سوماسى 2 ملرد تەڭگەگە دەيىن ۇلعايتىلدى، - دەدى قالا اكىمى ە.دوسايەۆ.
سونىمەن قاتار، جايلى قالالىق ورتا قۇرۋ اياسىندا 3 الاڭعا جوندەۋ جۇمىستارى جۇرگىزىلەدى (مۇقانوۆ، تولە بي - ماسانچي كوشەسى، تولە بي - روزىباكييەۆ كوشەسى) جوندەۋ ، قاشعار كوشەسى بويىنشا جاياۋ جۇرگىنشىلەر ايماعىن قۇرۋ، كجو-نىڭ 50 قاسبەتىن جوندەۋ جانە 59 اۋلا اۋماعىن اباتتاندىرۋ جوسپارلانۋدا.