پرەمەر-مينيستردىڭ ورىنباسارى تامارا دۇيسەنوۆانىڭ باسشىلىعىمەن وتكەن كەڭەستە تۇرمىستىق زورلىق-زومبىلىق پەن بالالار مەن جاسوسپىرىمدەر اراسىنداعى بۋللينگ ماسەلەلەرى تالقىلاندى، دەپ حابارلايدى almaty-akshamy.kz
ەسكە سالا كەتەيىك، مەملەكەت باسشىسى قاسىم-جومارت توقايەۆ قازاقستان حالقىنا جولداۋىندا ءبىرىڭعاي سەنىم تەلەفونىن ۇيىمداستىرۋ جانە زورلىق-زومبىلىق پەن بۋللينگ قۇرباندارىنا كومەك كورسەتۋدىڭ پارمەندى باعدارلاماسىن ازىرلەۋ مىندەتىن قويعان بولاتىن.
وسى تاپسىرمانى ورىنداۋ اياسىندا تۇرمىستىق زورلىق-زومبىلىق پەن بۋللينگ قۇرباندارى 16 قازاننان باستاپ 111 ءبىرىڭعاي مەملەكەتتىك بايلانىس ورتالىعىنا (بۇرىن «AMANAT» پارتياسى جانىندا جۇمىس ىستەگەن) تاۋلىك بويى حابارلاسا الادى. قالالىق نومىرلەر مەن ۇيالى بايلانىس وپەراتورلارى ءۇشىن قوڭىراۋ شالۋ تەگىن. ازاماتتارعا قاجەتتى كومەك ماتىندىك ديالوگ ارقىلى دا كورسەتىلەتىن بولادى.
ۆيسە-پرەمەر اتاپ وتكەندەي، بايلانىس ورتالىعىنا ۇلكەن جاۋاپكەرشىلىك جۇكتەلگەن. جۇيەنىڭ ۇيلەسىمدى جۇمىسى ايەلدەر مەن بالالارعا قاتىستى زاڭسىز ارەكەتتەردىڭ تەرىس سالدارىنىنىڭ الدىن الىپ، ازاماتتارعا جەدەل قۇقىقتىق، پسيحولوگيالىق جانە كونسۋلتاسيالىق كومەك كورسەتۋگە مۇمكىندىك بەرەدى.
قيىن جاعدايعا تاپ بولعان قازاقستاندىقتارعا كومەك كورسەتۋ ءۇشىن بىلىكتى پسيحولوگتار مەن زاڭگەرلەر تارتىلدى. ءاربىر جاعداي بويىنشا وپەراتورلار «ءدال وسى ساتتە» قاعيداتىن باسشىلىققا الا وتىرىپ، جەكەلەگەن ماسەلە بويىنشا كەشەندى كومەك كورسەتەتىن بولادى. بارلىق قاجەتتى مەملەكەتتىك ورگان مەن قىزمەتتى مىندەتتى كەرى بايلانىس ءتاسىلىن قولدانا وتىرىپ، ءبىر مەزگىلدە قوسۋ كوزدەلگەن.
«اتالعان شارالار ازاماتتار، اسىرەسە ايەلدەر مەن بالالار ءۇشىن ءقاۋىپسىز جاعداي جاساۋعا مۇمكىندىك بەرەدى. بايلانىس ورتالىعى مەملەكەتتىڭ ۋاقىتىلى كومەك كورسەتۋىنىڭ ءتيىمدى قۇرالىنا اينالادى، سونداي-اق وڭىرلەر بويىنشا اسا وتكىر پروبلەمالارعا مونيتورينگ جاساۋ ءۇشىن دەرەكتەر كوزى بولماق»، — دەدى تامارا دۇيسەنوۆا.
ءبىرىڭعاي سەنىم تەلەفونى مەملەكەتتىك شۇعىل قىزمەتتەر تىزبەسىندەگى 101، 102، 103 جانە ت.ب. نومىرلەردىڭ قاتارىنا ەنگىزىلەدى. بۇل ازاماتتارعا قۇقىق بۇزۋشىلىقتار مەن قىلمىستاردىڭ الدىن الۋ ارقىلى جەدەل تۇردە كومەك كورسەتۋگە مۇمكىندىك بەرەدى.