اقىن، مەملەكەتتىك سىيلىقتىڭ لاۋرەاتى، قازاقستاننىڭ ەڭبەك سىڭىرگەن قايراتكەرى، «پاراسات» وردەنىنىڭ يەگەرى نەسىپبەك ايت ۇلى قايتىس بولدى. بۇل تۋرالى قازاقستان جازۋشىلار وداعىنىڭ استانا قالاسى فيليالىنىڭ ديرەكتورى، اقىن داۋلەتكەرەي كاپ ۇلى الەۋمەتتىك جەلىدە جازدى، دەپ حابارلايدى اlmaty-akshamy.kz.
قوش، نەساعام. قازاق پوەزياسىنىڭ بايتەرەگى قۇلادى، - دەپ جازدى اقىن.
نەسىپبەك ايت ۇلى 1950 جىلى شىعىس تۇركىستاننىڭ تارباعاتاي ايماعىندا تۋعان. اقىن ەڭبەك جولىن شۇبارتاۋ اۋداندىق «جاڭا ءومىر» گازەتىندە باستايدى. 1974 جىلى قازاق مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىن بىتىرگەن.
2001 جىلدان باستاپ استانا قالاسىنا قونىس اۋدارىپ، ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتىندە، پرەزيدەنت جانىنداعى مادەنيەت ورتالىعىندا قىزمەت ىستەگەن.
سوڭعى قىزمەتى – استانا قالاسىنداعى س.سەيفۋللين اتىنداعى مۋزەي ديرەكتورى.
العاشقى «بالالىق» دەگەن ولەڭى 1965 جىلى شۇبارتاۋ اۋداندىق «جاڭا ءومىر» گازەتىندە، العاشقى توپتاماسى 1972 جىلى مۇقاعالي ماقاتايەۆتىڭ ءسات ساپار تىلەۋىمەن «لەنينشىل جاس» گازەتىندە، العاشقى كىتابى 1974 جىلى «قوزىكوش» دەگەن اتپەن جارىق كوردى. «جۇرەكتەگى جاڭعىرىقتار»، «اكە تۋرالى سىر»، «جاڭبىر ءانى»، «تۇندەلەپ ۇشقان تىرنالار»، «رۋحىمنىڭ پاديشاسى»، «مۇقاعالي-جەلتوقسان»، «بايتەرەك»، بالالارعا ارنالعان «بالاباقشاعا بارار جولدا»، «جەلكىلدەپ وسكەن قۇراقتاي»، «كۇمىس كۇيمە» («سەرەبريانىي سۋندۋچوك»)، «قارتايمايدى كۇن نەگە؟» اتتى كىتاپتارى، شىعىستىڭ ۇلى شايىرى ءا.ناۋايدىڭ «ەسكەندىر قورعانى»، «ءلايلى-ماجىن» داستاندارىن ءتارجىمالاپ، «يگور جورىعى تۋرالى جىر»، ت.ب. اۋدارما كىتاپتارى شىققان. تۇرىكتىڭ Vءىى عاسىردا ءومىر سۇرگەن ۇلى اقىنى ءجۇنىس ەمىرە، قىتايدىڭ كونە ءداۋىر اقىنى بو سىزيۋدىڭ، فرانسۋز اقىنى دج.روداريدىڭ، سونداي-اق، م.يساكوۆسكيي، ا.بارتو، س.ميحالكوۆ، س.بارۋزدين، ۆ.بەرەستوۆ، ت.سىدىقوۆ، س.جۋسۋيەۆ ولەڭدەرىن تۋعان تىلىمىزدە سويلەتكەن.
«بايتەرەك»(2003)، «كوز جاسىم» تاڭدامالى (2006)، «ءبورىتوستاعان» (2007)، «ەرلىككە ەسكەرتكىش»(2008)، «ساردار»(2008)، «قۇلانويناق»(2009)، «ارقاتىرەك»(2010)، «ناۋرىزباي»(2011)، «تۋ»(2012)، «سارايىمنان شىققان ءسوز»(2014)، «داريعا، داۋرەن»(2018)، ت.ب. كىتاپتارى جارىق كورگەن.