زەرتتەۋشىلەر كوروناۆيرۋسپەن اۋىراتىن شامامەن 1،3 ميلليونعا جۋىق پاسيەنتتىڭ مەديسينالىق مالىمەتتەرىن تالداعان.
امەريكاندىق Johnson & Johnson كومپانياسىنىڭ مەديسينالىق زەرتتەۋشىلەرى ايەلدەر كوروناۆيرۋستىڭ ۇزاققا سوزىلعان اعىمىنان ەرلەرگە قاراعاندا 22%-عا ءجيى زارداپ شەگەتىنىن انىقتادى، دەپ حابارلايدى Almaty-akshamy.kz Covid-19 تارالۋىنا جول بەرمەۋ جونىندەگى ۆاك-عا سىلتەمە جاساپ.
زەرتتەۋشىلەر كوروناۆيرۋسپەن اۋىراتىن شامامەن 1،3 ميلليونعا جۋىق پاسيەنتتىڭ مەديسينالىق مالىمەتتەرىن تالداعان. اۋرۋدىڭ ۇزاققا سوزىلعان اعىمى بار ايەلدەردە نيەۆرولوگيالىق، ريەۆماتولوگيالىق جانە اسقازان-ىشەك اۋرۋى دامىعان، شارشاۋ، كوڭىل-كۇيدىڭ بۇزىلۋى بايقالىپ، قۇلاق، مۇرىن جانە تاماق اۋرۋى بويىنشا شاعىمدانعان. ەرلەر كوبىنە تەك ەندوكريندىك جۇيەنىڭ بۇزىلۋىنا (مىسالى، قانت ديابەتى) جانە بۇيرەكتىڭ زاقىمدالۋىنا تاپ بولعان.
عالىمدار كوروناۆيرۋسپەن اۋىراتىن پاسيەنتتەردى ەمدەۋ كەزىندە دە، ولارعا زەرتتەۋ جۇرگىزۋ كەزىندە دە جىنىس (ايەل نەمەسە ەر ادام) ايىرماشىلىقتارىنا ءمان بەرۋدى ۇسىنادى.