زەرتتەۋ ورتالىعى مەن مۋزەي اراسىندا مەموراندۋم جاسالدى

تاڭبالى قورىق-مۇراجايىنىڭ جالپى اۋدانى 3800 گا قۇرايدى

ق ر مادەنيەت جانە سپورت مينيسترلىگى گەرالديكالىق زەرتتەۋلەر ورتالىعى مەن «تاڭبالى» مەملەكەتتىك تاريحي مادەني جانە تابيعي مۋزەي قورىعى اراسىندا مەموراندۋم جاسالدى، دەپ حابارلايدى Almaty- akshamy.kz.

ءىس-شاراعا گەرالديكالىق زەرتتەۋلەر ورتالىعىنىڭ ديرەكتورى اسىلبەك بايجۇما، «تاڭبالى» مۋزەي قورى ديرەكتورى ماديار امىرعالييەۆ، تاريح عىلىمدارىنىڭ دوكتورى، فيلولوگيا عىلىمدارىنىڭ كانديداتى، پروفەسسور، گەرالديكالىق زەرتتەۋلەر ورتالىعىنىڭ عىلىمي قىزمەتكەرى مارات ابسەمەتوۆ، مەملەكەتتىك رامىزدەردى ناسيحاتتاۋ ءبولىمى باسشىسى، جۋرناليست جارقىنبەك ءجۇمادىل ۇلى قاتىستى.

ءوزارا ۇسىنىس-پىكىرلەرمەن جالعاسقان جيىندا تىڭ دۇنيەلەر ايتىلدى. ەندىگى كەزەكتە ورتاق ماقساتتى تەك جۇزەگە اسىرۋ، ناتيجەلى جۇمىس جاساۋ.

تاڭبالى قورىق-مۇراجايىنىڭ جالپى اۋدانى 3800 گا قۇرايدى، ال ۆيزيت-ورتالىعى ءۇشىن 24 گا جەر بەرىلگەن. تاڭبالى شاتقالىنىڭ اۋماعىندا جۇزدەن استام ءار ءتۇرلى ۋاقىتتاعى ەسكەرتكىشتەر — قولا داۋىرىنەن ءبىزدىڭ زامانىمىزعا دەيىنگى 14—13 عاسىردىڭ ورتاسىنان 19—20 عاسىرلاردىڭ دەيىنگى ارالىقتى قامتىعان قونىستار، مولالار، ەرتەدەگى تاس قاشالعان ورىندار، پەتروگليفتەر جانە تابىنۋ عيماراتتارى (قۇربان شالىناتىن جەرلەر) ورنالاسقان. ولاردىڭ ءبارى بىرىگىپ ءۇش مىڭ جىل بويى ءبىزدىڭ ەلىمىزدىڭ كوپتەگەن ەرتەدەگى جانە قازىرگى كەزدەگى حالىقتارىنىڭ تاريحىن ناقتىلى كورسەتەتىن ارحەولوگيالىق كەشەن قۇرايدى.