زەرگەرلىك بۇيىمدارعا سۇرانىس جوعارى

بۇگىندە قازاقتىڭ ۇلتتىق بۇيىمدارىن كۇندەلىكتى كيىممەن ۇيلەستىرۋ سانگە اينالدى.

زەرگەرلەردىڭ ءداستۇرىن ساقتاي وتىرىپ، جاستار جاڭا ستيل تۋعىزدى. ساۋساعىنا ويۋ-ورنەكتى جۇزىك، شاشىنا سىلدىرلاعان شولپى تاققان قىزداردى كوشەدە ءجيى كەزدەستىرۋگە بولادى، دەپ حابارلايدى Almaty-akshamy.kz 24.kz-كە سىلتەمە جاساپ. 

قازاقتىڭ زەرگەرلىك بۇيىمدارىنا قىزعۋشىلار قاتارى قالىڭ.  استانالىق جاس زەرگەر نارگيز قۇرمانعازينا بابا مۇراسىن زامانعا ساي جاڭعىرتىپ ءجۇر. ونىڭ  كۇمىستەن قۇيعان اشەكەيلەرى كوپشىلىككە تانىمال. نارگيز قۇرمانعازينا زەرگەرلىك بۇيىمداردى ەكسكليۋزيۆتى ەتىپ جاسايدى. ياعني، ءار بۇيىمنىڭ ديزاينىن ءوزى ويلاپ تابادى. ويۋ-ورنەكتى زاماناۋي ستيلمەن ۇيلەستىرە بىلەدى. اسىرەسە، قوشقار ءمۇيىزدى ويۋدى كوپ قولدانادى. ال شولپى مەن شاشباۋعا تاريحي تاڭبالار مەن  ءىنجۋ تاستار قوسادى.

«مەن ونەر جانە ديزاينمەن كوپتەن بەرى اينالىسامىن. زەرگەرلىك بۇيىمداردى جاساۋدا قيالىما ەرىك بەرەمىن. مىسالى، بۇل ساقيناعا كۇمىس پەن مىستى ارالاستىرىپ جاسادىم. ءپىشىنىن دە ءوزىم ويلاپ شىعاردىم»، - دەيدى جاس زەرگەر نارگيز قۇرمانعازينا. 

زەرگەر قىز ەرەكشە تۋىندىلاردى جاساپ قانا قويماي، ءىسىن برەندكە اينالدىردى. قازىردە جاس زەرگەردىڭ جۇمىسى ۇلكەن سۇرانىسقا يە. ونەرلى جاستىڭ تۇراقتى تۇتىنۋشىلارى اشەكەيلەردىڭ كۇندەلىكتى كيىمگە ەرەكشە ستيل بەرەتىنىن ايتادى.

«بۇل زەرگەرلىك بۇيىمداردى سپورتتىق كيىممەن دە، كلاسسيكالىق ۇلگىدەگى كيىممەن دە تاعۋعا بولادى. ءتىپتى كەز كەلگەن شاش ۇلگىسىنە ۇيلەسەدى. ءارى ونىڭ جاساعان اشەكەيلەرى باسقا زەرگەرلەردىڭ جۇمىسىنان وزگەشە»، - دەيدى قالا تۇرعىنى ايىم ءابىلدينا. 

ءبىر قىزىعى، ءقازىر جاستار اراسىندا مۇنداي اشەكەي تاعۋ سانگە اينالعان. ەتنوستيلدىڭ ەرەكشەلىگىنە تامسانبايتىن جان جوق.