زەرگەرلىك بۇيىمداردى ساتۋشىلار ءتيىستى تاڭبالار بولماعان جاعدايدا قانداي جاۋاپكەرشىلىك كوزدەلگەن؟ بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە ق ر ساۋدا جانە ينتەگراسيا مينيسترلىگى تەحنيكالىق رەتتەۋ جانە مەترولوگيا كوميتەتىنىڭ الماتى قالاسى بويىنشا دەپارتامەنتىنىڭ باسشىسى قانات قابىلبەكوۆ ايتىپ بەردى.
بۇعان دەيىن سپيكەر ءوز سوزىندە دەپارتامەنتپەن سۋبەكتىگە (وبەكتىگە) بارماي-اق 509 پروفيلاكتيكالىق باقىلاۋ جانە قاداعالاۋ جۇرگىزىلگەنىن، ونىڭ ناتيجەلەرى بويىنشا بارلىق جاعدايلاردا زاڭنامانى بۇزۋ فاكتىلەرى انىقتالعانىن اتاپ ءوتتى.
«بەكىتىلگەن ستاندارت بويىنشا التىن باعالى مەتالداردا بارىس باسىنىڭ بەلگىسى مەن قازاقستاننىڭ حالىقارالىق اببريەۆياتۋراسى - KZ بولۋى ءتيىس. وسى ستاندارتتى بۇزۋدىڭ ناقتى فاكتىلەرى كەزىندە دەپارتامەنت باعالى مەتالدار مەن اسىل تاستاردان جاسالعان زەرگەرلىك جانە باسقا دا بۇيىمداردى ساتۋشىلارعا قاتىستى جوسپاردان تىس تەكسەرۋلەر اشادى»، - دەدى ق.قابىلبەكوۆ.
وسىلايشا، دەپارتامەنت قىزمەتكەرلەرى راستايتىن ماتەريالدارمەن بۇزۋشىلىقتاردىڭ دالەلدى جانە ناقتى فاكتىلەرىن انىقتاعان كەزدە التىن بۇيىمدى وتكىزۋشىگە قاتىستى جوسپاردان تىس ءتيىستى تەكسەرۋ تاعايىندالادى جانە فاكتىلەر راستالعان جاعدايدا اكىمشىلىك قۇقىق بۇزۋشىلىق تۋرالى حاتتاما جاسالادى. ايىپپۇلداردىڭ مولشەرى كەلەسىدەي:
- جەكە تۇلعالارعا - ەلۋ اەك مولشەرىندە؛
– لاۋازىمدى تۇلعالارعا، شاعىن كاسىپكەرلىك سۋبەكتىلەرىنە - سەكسەن اەك مولشەرىندە؛
- ورتا كاسىپكەرلىك سۋبەكتىلەرىنە – ءجۇز اەك مولشەرىندە؛
– ءىرى كاسىپكەرلىك سۋبەكتىلەرىنە - ءجۇز ەلۋ ايلىق ەسەپتىك كورسەتكىش مولشەرىندە.«سونداي-اق، ساتۋشىعا بۇزۋشىلىقتاردى جويۋ تۋرالى نۇسقاما بەرىلەدى. ياعني، ساتۋشى ءوز ءونىمىنىڭ قق تالاپتارىنا سايكەس كەلەتىندىگى تۋرالى اكت الۋى كەرەك، سودان كەيىن بارىستىڭ باسى تۇرىندەگى سىنامالىق تاڭبامەن تاڭبالاۋدى جۇرگىزۋى كەرەك»، - دەپ ءتۇسىندىردى سپيكەر.
اتاپ وتكەندەي، بۇزۋشىلىقتار جويىلعاننان كەيىن بۇل ءونىم قايتادان ساتىلىمعا ءتۇسۋى مۇمكىن.