قازاقستانداعى زەرگەرلىك بۇيىمداردىڭ كولەڭكەلى نارىعى 99 پايىزعا جەتەدى.
قازاقستان زەرگەرلەرى ليگاسىنىڭ مالىمەتىنشە، ەلىمىزدە كونترافاكتىلىك سەحتار جۇمىس ىستەۋدە، وندا ارنايى جابدىقتاردىڭ كومەگىمەن تاۋار تۇركيا، يتاليا نەمەسە رەسەيدە جاسالىنعانىن مالىمدەيتىن جالعان شتامپتار بار. ادال كاسىپورىندار كولەڭكەلى نارىقپەن باسەكەگە تۇسە الماي، ءوندىرىستى توقتاتۋعا ءماجبۇر، دەپ حابارلايدى اlmaty-akshamy.kz.
2024 جىلدىڭ 1 شىلدەسىەن باستاپ قازاقستان رەسپۋبليكاسىنا اكەلىنەتىن نەمەسە قازاقستان رەسپۋبليكاسىنىڭ اۋماعىندا وندىرىلگەن باعالى مەتالدار مەن اسىل تاستاردان جاسالعان زەرگەرلىك بۇيىمداردى بولشەك جانە كوتەرمە ساۋداعا وتكىزۋ كەزىندە تاڭبالانعان ءونىمدى اينالىمنان مىندەتتى تۇردە الىپ تاستاي وتىرىپ، مىندەتتى تاڭبالاۋ قاجەت.
تاۋارلاردى سيفرلىق تاڭبالاۋ جانە قاداعالاۋ جۇيەسىنىڭ نەگىزگى ماقساتى قازاقستانداعى تاۋار اينالىمىن اشىق ەتۋ ەكەنىن ەستەرىڭىزگە سالامىز.
قازاقستان رەسپۋبليكاسىنىڭ اۋماعىندا باعالى مەتالدار مەن اسىل تاستاردان جاسالعان زەرگەرلىك بۇيىمداردى مىندەتتى تۇردە تاڭبالاۋدى ەنگىزۋ دارىلىك زاتتاردى تاڭبالاۋ كەزىندەگىدەي كەزەڭ-كەزەڭمەن ەمەس، ءبىر رەتتىك بولادى.
«زەرگەرلىك بۇيىمدار نارىعى كونتراباندا مەن كونترافاكتىلىك تاۋارلارعا تولى كەزدە سيفرلىق تاڭبالاۋ بيزنەسىمىزدەگى اشىقتىق پەن ادىلدىكتى قامتاماسىز ەتۋدىڭ ماڭىزدى قۇرالىنا اينالادى. سيفرلىق تاڭبالاۋ تاۋاردىڭ بۇكىل جەتكىزۋ تىزبەگى بويىنشا ءونىمنىڭ قاداعالانۋىن جاقسارتىپ قانا قويماي، تۇتىنۋشىلارعا ولار ساتىپ الاتىن ونىمدەردىڭ ءتۇپنۇسقالىعىنا سەنىمدىلىك بەرەدى، سونىمەن قاتار تۇتىنۋشىلاردىڭ الاياقتىعىنا جول بەرمەۋ ارقىلى ءبىزدىڭ سالانىڭ تۇراقتىلىعىن قامتاماسىز ەتۋگە ىقپال ەتەدى. بۇل تۇتاستاي العاندا ءبىزدىڭ سالاعا تۇتىنۋشىلاردىڭ سەنىمىن ارتتىرۋعا كومەكتەسەدى. مەملەكەتپەن بىرلەسكەن كۇش-جىگەردىڭ ارقاسىندا عانا ءبىز نارىقتىڭ تازالىعى مەن اشىقتىعىن قامتاماسىز ەتە الامىز، بيزنەستى دامىتۋعا جانە تۇتىنۋشىلار سەنىمىنە قولايلى جاعداي جاساي الامىز. بۇل جاۋاپكەرشىلىكتى، ءتىپتى جوسىقسىز كاسىپكەرلەرگە قاتىستى قىلمىستىق جاۋاپكەرشىلىكتى ءبىر مەزگىلدە كۇشەيتكەندە عانا مۇمكىن. بۇل ەكى شارت تۇتىنۋشىلاردى الداۋدان ساقتايدى»، - دەيدى قازاقستان زەرگەرلەر ليگاسىنىڭ ءتوراعاسى قايسار جۇماعالييەۆ.
يندۋستريا جانە قۇرىلىس مينيسترلىگى وكىلدەرىنىڭ ايتۋىنشا، بۇگىندە تاڭبالانباعان زەرگەرلىك بۇيىمداردىڭ قالدىقتارىن ساتۋعا رۇقسات ەتىلگەن جانە ولاردى ساتۋعا ازىرگە ايىپپۇل سالىنباعان. دەگەنمەن ساۋدا جانە ينتەگراسيا مينيسترلىگىنىڭ تەحنيكالىق رەتتەۋ جانە مەترولوگيا كوميتەتى اكىمشىلىك قۇقىق بۇزۋشىلىق تۋرالى كودەكسكە وزگەرىستەر ەنگىزۋدى جوسپارلاپ وتىرعانىن ەستەرىڭىزگە سالا كەتەيىك. تۇزەتۋلەر شاعىن، ورتا جانە ءىرى بيزنەسكە قاتىستى بولادى.
وسى جىلى تاۋارلاردى تاڭبالاۋ جانە قاداعالاۋ جونىندەگى ءبىرىڭعاي وپەراتوردىڭ وكىلدەرى استانا، الماتى جانە شىمكەنت قالالارىندا زەرگەرلىك بۇيىمداردى تاڭبالاۋ بويىنشا وقىتۋ سەمينارلارىن وتكىزەدى. سەمينارلار كەستەسىن تاۋارلاردى تاڭبالاۋدىڭ https://markirovka.ismet.kz رەسمي سايتىندا كورۋگە بولادى.
ەسكە سالايىق، قازاقستاندا مىندەتتى سيفرلىق تاڭبالاۋ جانە قاداعالاۋ ءۇش ءونىم توبىنا قولدانىلادى: 2020 جىلدان باستاپ تەمەكى ونىمدەرىنە، 2021 جىلدىڭ قاراشاسىنان اياق كيىم ونىمدەرىنە جانە 2022 جىلدىڭ قاراشاسىنان باستاپ 90 دارىلىك زاتقا، ال 2024 جىلدىڭ 1 شىلدەسىنەن باستاپ دارىلىك زاتتاردىڭ 100% قولدانىلادى.
سيفرلىق تاڭبالاۋ جۇيەسى جانە تاۋارلاردى قاداعالاۋ تۋرالى تولىق اقپارات الۋ ءۇشىن 8 800 080 6565 تەلەفونى بويىنشا تاۋلىك بويى جۇمىس ىستەيتىن بايلانىس ورتالىعى جۇمىس ىستەيدى.