جاسىنا بايلانىستى زەينەتاقىنى قالاي راسىمدەۋگە بولادى؟ الماتى قالاسى «ازاماتتارعا ارنالعان ۇكىمەت» مەملەكەتتىك كورپوراسياسى فيليالىنىڭ وكىلدەرى وڭىرلىك كوممۋنيكاسيالار قىزمەتىنىڭ بريفينگىندە زەينەتاقىنى قالاي دۇرىس راسىمدەۋ كەرەكتىگىن، بۇل ءۇشىن قانداي قۇجاتتار قاجەتتىگىن تياناقتى ءتۇسىندىردى.
«زەينەتكە شىعۋعا الدىن الا دايىندالۋ قاجەت. حقكو-نا قۇجاتتاردىڭ ءتۇپنۇسقاسىن ۇسىنۋ، زەينەتاقى اۋدارىمىنىڭ بار-جوعىن تەكسەرۋ، ءتيىمدى نۇسقانى ەسەپتەۋ قاجەت. قۇجاتتاردى تۋعان كۇنىنەن 10 كۇن بۇرىن تاپسىرۋ كەرەك»، – دەدى زاڭدى جانە جەكە تۇلعالارمەن جۇمىس ىستەۋ، ەلەكتروندىق ءىس ماكەتتەرىن باقىلاۋ باسقارماسىنىڭ باسشىسى نايلا مۇحامەتقالييەۆا.
تۇرعىلىقتى جەرى بويىنشا حقكو فيليالدارىنا جۇگىنگەن كەزدە وزىمەن بىرگە مىناداي قۇجاتتار:
– جەكە باسىن كۋالاندىراتىن قۇجات؛
– ەڭبەك كىتاپشاسى (نەمەسە مۇراعات مەكەمەلەرىنىڭ انىقتامالارى)؛
– ءبىلىمى تۋرالى قۇجات؛
– اسكەري بيلەت نەمەسە قورعانىس ىستەرى جونىندەگى باسقارمانىڭ (ءبولىمنىڭ) انىقتاماسى؛
– نەكە تۋرالى كۋالىك (تەگى وزگەرگەن كەزدە)؛
– بالالاردىڭ تۋۋ تۋرالى كۋالىكتەرى (تۋۋ تۋرالى اكتىلىك جازبادان ءۇزىندى نەمەسە ازاماتتىق حال اكتىلەرىن تىركەۋ ورگاندارى بەرگەن ازاماتتىق حال اكتىلەرىن تىركەۋ تۋرالى انىقتاما) بولۋى قاجەت.
ەگەر قانداي دا ءبىر قۇجات بولماسا، مىسالى، ەڭبەك كىتاپشاسى بولسا، ۇيىمنان مۇراعات انىقتاماسىن ۇسىنۋعا بولادى. باسقا جاعدايدا سوتقا جۇگىنىپ، سۋديانىڭ شەشىمىن ۇسىنۋ قاجەت. سپيكەر جاسىنا بايلانىستى زەينەتاقى تولەمدەرىن تاعايىنداۋ 2001 جىلعى 1 شىلدەدەن باستاپ 63 جاسقا تولعان ەر ادامدارعا، 58 جاسقا تولعان ايەلدەرگە جۇرگىزىلەتىنىن ەسكە سالدى.
زەينەتاقى تولەمدەرى ايەلدەرگە جاسى بويىنشا:
2018 جىلعى 1 قاڭتاردان باستاپ – 58،5 جاسقا تولعاندا؛
2019 جىلعى 1 قاڭتاردان باستاپ – 59 جاسقا تولعاندا؛
2020 جىلعى 1 قاڭتاردان باستاپ – 59،5 جاسقا تولعاندا؛
2021 جىلعى 1 قاڭتاردان باستاپ – 60 جاسقا تولعاندا؛
2022 جىلعى 1 قاڭتاردان باستاپ – 60،5 جاسقا تولعاندا؛
2023 جىلعى 1 قاڭتاردان باستاپ – 61 جاسقا تولعاندا؛
2028 جىلعى 1 قاڭتاردان باستاپ – 61،5 جاسقا تولعاندا؛
2029 جىلعى 1 قاڭتاردان باستاپ – 62 جاسقا تولعاندا؛
2030 جىلعى 1 قاڭتاردان باستاپ – 62،5 جاسقا تولعاندا؛
2031 جىلعى 1 قاڭتاردان باستاپ – 63 جاسقا تولعاندا تاعايىندالادى.
جاسىنا بايلانىستى زەينەتاقى تولەمىن تاعايىنداۋ ءۇشىن ەڭبەك ءوتىلىن ەسەپتەۋ كەزىندە:
1) جەكە جانە زاڭدى تۇلعالار تولەيتىن ەڭبەك شارتتارى بويىنشا جۇمىس؛
2) اسكەري قىزمەت؛
3) ارناۋلى مەملەكەتتىك جانە قۇقىق قورعاۋ ورگاندارىنداعى قىزمەت، مەملەكەتتىك فەلدەگەرلىك قىزمەت؛
4) مەملەكەتتىك قىزمەت؛
5) كاسىپكەرلىك جانە تابىس اكەلەتىن وزگە دە قىزمەت؛
6) ءى توپتاعى مۇگەدەكتىگى بار ادامعا، ءىى توپتاعى مۇگەدەكتىگى بار جالعىزباستى ادامعا جانە جاسى بويىنشا سىرتتان كومەككە مۇقتاج زەينەتكەرگە، سونداي-اق سەكسەن جاسقا تولعان قارتتارعا كۇتىم جاساۋ ۋاقىتى؛
7) 18 جاسقا دەيىنگى مۇگەدەكتىگى بار بالانى كۇتۋ ۋاقىتى ەسكەرىلەدى.
سپيكەر مالىمەتىنشە، جىل باستالعالى بەرى جەتى ايدىڭ ىشىندە جاسىنا بايلانىستى زەينەتاقى تولەمى بويىنشا 4280 ءوتىنىم بەرىلگەن. مەملەكەتتىك بازالىق زەينەتاقى تولەمى بويىنشا 4871 جانە پورتال ارقىلى ءوتىنىم بەرگەندەر – 18، حالىققا قىزمەت كورسەتۋ ورتالىعى بويىنشا 4853 ءوتىنىم بەرىلگەن.
ەلەكترلى ساموكاتپەن ءجۇرۋدىڭ ەرەجەسى ەسكەرتىلدى
ەندى زاڭدى تۇردە ەلەكترلى ساموكات كولىگىمەن ۆەلوسيپەد جولىمەن، اۆتوجولدىڭ ءجۇرۋ بولىگىنىڭ وڭ جاق شەتكى جولاعىمەن، سونداي-اق تروتۋارمەن جۇرۋگە بولادى، – دەپ حابارلادى الماتى قالاسى پوليسيا دەپارتامەنتىنىڭ رەسمي وكىلى سالتانات ازىربەك وكق بريفينگىندە.
«ەنگىزىلگەن وزگەرىستەرگە سايكەس، ەلەكترلى ساموكات جۇرگىزۋشىلەرى ۆەلوسيپەد جولىمەن جۇرەدى. سول ءتارىزدى، زاڭمەن ەنگىزىلەتىن شارت پەن تىيىمدى ساقتاي كەلە، جول ءجۇرۋ بولىگىنىڭ وڭ جاق شەتىمەن ەلەكترلى ساموكاتتاردىڭ جۇرۋىنە جول اشىق»، – دەپ اتاپ ءوتتى سپيكەر.
سونىمەن قاتار، ەلەكترلى ساموكاتتاردىڭ جۇرگىزۋشىسى كەمىندە 18 جاستا بولۋى كەرەك، ول بەكىتىلگەن دۋلىعا مەن شاعىلىستىراتىن كيىم كيۋى كەرەك، سونداي-اق كەز كەلگەن ساناتتاعى جۇرگىزۋشى كۋالىگى بولۋى قاجەت. جول قوزعالىسى سالاسىنداعى زاڭناماعا ەنگىزىلگەن جاڭا وزگەرىسكە سايكەس، موپەد، ەلەكترلى ساموكات، ۆەلو سيپەد جۇرگىزۋشىلەرىنە مىناداي جاعدايدا:
– ءرولدى ءبىر قولمەن بولسا دا، ۇستاماي جۇرگىزۋگە:
– ءبىر باعىتتاعى قوزعالىستا ءبىر جولاقتان سولعا بۇرىلۋعا نە كەرى بۇرىلۋعا؛
– موپەد پەن ۆەلوسيپەدكە ارنالعان تىركەمەنى سۇيرەۋدەن وزگە، موپەدتى، ەلەكترلى ساموكات پەن ۆەلوسيپەدتى سۇيرەۋگە؛
– كولىك قۇرالىن جۇرگىزىپ كەلە جاتىپ، جاياۋ جۇرگىنشى وتكەلىندە جولدىڭ ءجۇرۋ بولىگىن كەسىپ وتۋگە؛
– باسقا كولىك قۇرالدارىنىڭ جۇرگىزۋشىلەرىنە كورىنۋدى قامتاماسىز ەتەتىن، جول ءجۇرۋ ەرەجەسىندە بەلگىلەنگەن تالاپقا ساي، شاعىلىساتىن زاتسىز جولدىڭ ءجۇرۋ بولىگىندە تۇندە جۇرۋگە؛
– جولدىڭ ءجۇرۋ بولىگىندە بەكىتىلگەن دۋلىعاسىز جۇرۋگە تىيىم سالىنادى.
وزگەرىسكە سايكەس، ەلەكترلى ساموكات جۇرگىزۋشىلەرى ۆەلوسيپەد جولىمەن قوزعالادى. ول