مۇگەدەكتىگى بار، ءجۇرىپ-تۇرۋى قيىن ادامداردى، سونداي-اق ناشار كورەتىن ازاماتتاردى سۇيەمەلدەيتىن جەكە كومەكشىلەر Skills Enbek پلاتفورماسىندا ونلاين وقي الادى..
كۋرستىڭ ماقساتى - مۇگەدەكتىگى بار ادامداردىڭ قاجەتتىلىكتەرىنە بەيىمدەلگەن، اۋرۋلاردى جانە جەكە قاجەتتىلىكتەردى ەسكەرە وتىرىپ، سۇيەمەلدەۋدى قاجەت ەتەتىن ءبىلىم مەن داعدىلاردى يگەرۋ.
كاسىپتىك كۋرستار مۇگەدەكتىگى بار ادامداردىڭ جەكە كومەكشىسى بولعىسى كەلەتىن نەمەسە مۇگەدەكتىگى نەمەسە سوزىلمالى اۋرۋى بار وتباسى مۇشەسىمەن بىرگە جۇرەتىن كەز كەلگەن ادامعا ارنالعان.
وقۋ ءۇشىن Skills Enbek پلاتفورماسىندا تىركەلۋ قاجەت. ءبىر كۋرستىڭ ۇزاقتىعى 32 ساعاتتى قۇرايدى. قاتىسۋشى كۋرستى جەكە-جەكە دەربەس يگەرۋمەن اينالىسادى.
مەملەكەتتىك جانە ورىس تىلدەرىندە وقۋدان ءوتۋ تولىعىمەن تەگىن.
وقىتۋ كەلەسى كەزەڭدەردەن تۇرادى:
- بىرنەشە مودۋلدەر بويىنشا ونلاين وقىتۋ كۋرسى؛
- قورىتىندى تەستىلەۋ؛
- وقۋدان وتكەنى تۋرالى سەرتيفيكات الۋ.
ءاربىر وقۋ كۋرسى ءدارىس ماتەريالىن زەردەلەۋدى، بەينەروليكتەردى قاراۋدى، پراكتيكالىق تاپسىرمالاردى ورىنداۋدى قامتيدى.
ءار مودۋل اياقتالعاننان كەيىن ارالىق تەستىلەۋ جۇرگىزىلەدى. كەلەسى وقۋ مودۋلىنە ءوتۋ ءۇشىن قاتىسۋشى دۇرىس جاۋاپتاردىڭ كەم دەگەندە 70% جيناۋى كەرەك.
ارالىق تەستىلەۋدى تاپسىرۋ شەكتەلمەيدى.
كۋرستى ءساتتى اياقتاۋ ءۇشىن جەكە كومەكشىلەر قورىتىندى تەستىلەۋدە دۇرىس جاۋاپتاردىڭ 70%-دان استامىن جيناۋى كەرەك.
ەگەر تەستىلەۋدەن قاجەتتى كورسەتكىشتى جيناي الماسا، قاتىسۋشى تەستىلەۋدى قايتا تاپسىرا الادى.
وقۋ اياقتالعاننان كەيىن ءاربىر قاتىسۋشى ءوزىنىڭ كاسىبي داعدىلارىن راستايتىن بىرەگەي ءنومىرى بار ەلەكتروندىق سەرتيفيكات الادى.
بۇگىنگى تاڭدا كۋرستان ءوتۋ ءۇشىن 296 ادام تىركەلدى، ونىڭ 188ء-ى وقۋدى ءساتتى اياقتاپ، سەرتيفيكات الدى.