زەينەتاقى زەينەتىن كورەتىن كۇن الىس ەمەس

زەينەتاقى اكتيۆتەرىن باسقارۋشىلاردىڭ سانى دا ۇلعايتىلدى

ق ر قارجى نارىعىن رەتتەۋ جانە دامىتۋ اگەنتتىگى جەكە كومپانيالاردىڭ سەنىمگەرلىك باسقارۋىنداعى زەينەتاقى اكتيۆتەرىن ينۆەستيسيالاۋعا بولاتىن قارجى قۇرالدارىنىڭ ءتىزىمىن كەڭەيتۋدى ۇسىنادى، دەپ حابارلايدى Almaty-akshamy.kz. 

اگەنتتىك ءتيىستى قاۋلىنىڭ جوباسىن اشىق نقا پورتالىندا جاريالادى جانە 2023 جىلدىڭ 18 مامىرىنا دەيىن قوعامدىق تالقىلاۋ ءۇشىن قولجەتىمدى بولماق.

قۇجاتتا:

• قازاقستاندىق بروكەرلەرگە شوت اشۋ ءۇشىن شەتەلدىك ەسەپ ايىرىسۋ ۇيىمدارىنىڭ تىزبەسىن كەڭەيتۋ؛


• جەكە كومپانيالاردىڭ سەنىمگەرلىك باسقارۋىنداعى زەينەتاقى اكتيۆتەرىن ينۆەستيسيالاۋعا بولاتىن قارجى قۇرالدارىنىڭ تىزبەسىن ۇلعايتۋ جانە كەڭەيتۋ؛


• زەينەتاقى اكتيۆتەرىن باسقارۋشىلاردىڭ سانىنىڭ ارتۋى ۇسىنىلادى.

تۇسىندىرىلگەندەي، تىزىمگە قازاقستان رەسپۋبليكاسىنىڭ كاسىپكەرلىك كودەكسىنە سايكەس شاعىن نەمەسە ورتا كاسىپكەرلىك سۋبەكتىلەرىنە جاتقىزىلعان سۋبەكتىلەر، «نەگىزگى» نەمەسە «بالاما «دامۋ» كاسىپكەرلىكتى دامىتۋ قورى» اكسيونەرلىك قوعامى جانە (نەمەسە) سوماسى وسى مەملەكەتتىك ەمەس بورىشتىق باعالى قاعازداردىڭ نومينالدى قۇنىنان كەمىندە 50%-ىن قامتيتىن «قازاقستاننىڭ دامۋ بانكى» اكسيونەرلىك قوعامى ەنگەن.

بۇعان دەيىن قازاقستاندىقتاردىڭ زەينەتاقى جيناعى 15 ترلن تەڭگەدەن استامعا جەتكەنى حابارلانعان بولاتىن. ەكى جىلدا قازاقستاندىقتار تۇرعىن ءۇي ساتىپ الۋ جانە ەمدەلۋ ءۇشىن 3،5 ترلن تەڭگەدەن استام زەينەتاقى جيناعىن العان.